शीर्ष ७ ब्रोकरबाट उच्च खरिद माग, कुनबाट कति ?

काठमाण्डौ । बुधबार सेयरबजारमा ५ अर्ब ७३ करोड रुपैयाँमाथिको सेयर कारोबार भएको छ । आज सर्वाधिक कारोबार गर्ने टप १० ब्रोकरमा ७ वटाबाट उच्च खरिद माग भएको छ भने ३ वटाबाट मात्रै उच्च बिक्री भएको छ ।  

उच्च खरिद गर्ने ब्रोकरहरमा इम्पेरियल सेक्युरिटिज, सनि सेक्युरिटिज, अनलाइन सेक्युरिटिज, डायनामिक मनि म्यानेजर्स, त्रिशक्ति सेक्युरिटिज, एप्पल सेक्युरिटिज प्राइभेट लि. र एबीसी सेक्युरिटिज रहेका छन् ।  

त्यस्तै, उच्च बिक्री गर्ने ब्रोकरहरमा नासा सेक्युरिटिज, भिजन सेक्युरिटिज र अग्रवाल सेक्युरिटिज रहेका छन् ।  

आज सर्वाधिक कारोबार गर्ने ब्रोकर कम्पनीमा नासा सेक्युरिटिज रहेको छ । उक्त ब्रोकरबाट आज ८९ करोड ८८ लाख रुपैयाँमाथिको सेयर कारोबार भएको छ । जसमा ४७.१८ प्रतिशत सेयर खरिद भएको छ भने ५२.८२ प्रतिशत सेयर बिक्री भएको छ ।