(1).gif)
(2).gif)
.png)
काठमाण्डौं । सर्वोच्च अदालतकी वरिष्ठतम न्यायाधीश सपना प्रधान मल्ल लामो बिदापछि पुनः कार्यस्थलमा फर्किएकी छन् ।
करिब २० दिनको अनुपस्थितिपछि उनी सोमबारदेखि नियमित काममा सहभागी भएकी हुन् ।
(2).gif)
.gif)
प्रधान न्यायाधीश मनोजकुमार शर्मा नियुक्त भएपछि असन्तुष्टि जनाउँदै उनी बिदामा बसेकी थिइन् ।
सोही बिदापछि उनी पहिलो पटक सर्वोच्च अदालतमा उपस्थित भएकी हुन् ।
अदालत स्रोतका अनुसार उनले आजदेखि नै मुद्दा सुनुवाइमा सहभागिता जनाउनेछिन् ।
उनको एकल तथा संयुक्त इजलासमा विभिन्न मुद्दाहरू पेशीमा रहेका छन् ।
यसअघि प्रधान न्यायाधीश शर्माले पदभार ग्रहण गर्नु अघि मल्ल स्वयंले कायममुकायम प्रधान न्यायाधीशको हैसियतमा बिदा स्वीकृत गरेकी थिइन् ।
(1).gif)
.gif)
सर्वोच्च अदालतको वरीयताक्रममा पहिलो नम्बरमा रहेकी मल्ल, दोस्रोमा न्यायाधीश कुमार रेग्मी र तेस्रोमा हरिप्रसाद फुयाललाई पछाडि पार्दै चौथो नम्बरका न्यायाधीश मनोजकुमार शर्मालाई प्रधान न्यायाधीशमा सिफारिस गरिएपछि असन्तुष्टि चुलिएको बताइन्छ ।
नवनियुक्त प्रधान न्यायाधीश शर्मालाई स्वागत गर्ने औपचारिक कार्यक्रममा समेत मल्ल अनुपस्थित रहेकी थिइन् ।
त्यस अवसरमा वरीयतामा दोस्रो स्थानमा रहेका न्यायाधीश कुमार रेग्मीले स्वागत गरेका थिए ।
मल्लको पुनरागमनसँगै सर्वोच्च अदालतभित्रको वातावरण र आन्तरिक समन्वयप्रति चासो फेरि बढेको छ ।
.gif)
(1).gif)
(2).gif)
.png)
