परराष्ट्रमन्त्रीद्वारा गोरखा पेन्सन विवाद समाधानका लागि बेलायतसँग आग्रह

काठमाण्डौ । परराष्ट्रमन्त्री शिशिर खनालले भूतपूर्व ब्रिटिश गोर्खाहरूको माग सम्बोधन गर्न बेलायत सरकारसँग आग्रह गरेका छन् । मन्त्री खनालले लामो समयदेखि समाधान हुन नसकेको भूतपूर्व ब्रिटिश गोर्खाहरूको समानुपातिक पेन्सन लगायतका मागलाई न्याय, निष्पक्षता र सम्मानका आधारमा सम्बोधन गर्न आग्रह गरेका हुन् ।

उनले बेलायतका रक्षामन्त्री माननीय जोन हिली तथा जनमन्त्री माननीय लुइस स्यान्डर–जोन्सबीच सोमबार भएको भर्चुअल बैठकमा उक्त कुरा उठाएका हुन् ।

उक्त द्विपक्षीय बैठक मुख्य रूपमा भूतपूर्व ब्रिटिश गोर्खाको लामो समयदेखि थाती रहेका मागहरू र विशेष गरी समानुपातिक पेन्सनको विषयमा केन्द्रित रहेको परराष्ट्रमन्त्री खनालले बताए ।