(1).gif)
(2).gif)
.png)
काठमाण्डौ । दक्षिण अमेरिकी राष्ट्र भेनेजुएलामा आइतबार पुनः ५.६ म्याग्निच्युडको भूकम्प गएको छ।
युरो(मेडिटेरेनियन सिस्मोलोजिकल सेन्टर (EMSC) का अनुसार भूकम्पको केन्द्रबिन्दू अरागुआ राज्यको तटनजिक समुद्री क्षेत्रमा रहेको थियो।
(2).gif)
.gif)
(1).gif)
भूकम्प जमिनको सतहबाट करिब ३० किलोमिटर गहिराइमा मापन गरिएको जनाइएको छ।
हालसम्म यस पछिल्लो भूकम्पबाट ठूलो मानवीय वा भौतिक क्षतिको विवरण सार्वजनिक भएको छैन।
तर, केही दिनअघिको विनाशकारी भूकम्पबाट प्रभावित क्षेत्रमा लगातार पराकम्प (आफ्टरशक)आइरहेकाले स्थानीय बासिन्दामा त्रास कायमै रहेको छ।
यसअघि स्थानीय समयअनुसार जुन २४ को साँझ केही सेकेन्डको अन्तरमा ७.२ र ७.५ म्याग्निच्युडका दुई शक्तिशाली भूकम्पले भेनेजुएलालाई हल्लाएका थिए।
ती भूकम्पले विशेषगरी प्रभावित क्षेत्रमा व्यापक जनधनको क्षति पुर्याएको थियो।
सरकारी प्रारम्भिक विवरणअनुसार हालसम्म १ हजार ४३० जनाको मृत्यु पुष्टि भएको छ भने ३ हजार ३०० भन्दा बढी व्यक्ति घाइते भएका छन्।
उद्धारकर्मीहरूले भग्नावशेष हटाउने र बेपत्ताको खोजी गर्ने कार्यलाई तीव्र बनाएका छन्।
.gif)
(1).gif)
अधिकारीहरूका अनुसार ढलेका भवन र अन्य संरचनाभित्र अझै करिब ६८ हजार ९०० जना बेपत्ता रहेको आशंका गरिएको छ।
खोज तथा उद्धार कार्यमा सुरक्षा निकाय, स्वयंसेवक र अन्तर्राष्ट्रिय सहयोगी संस्थाहरू परिचालित छन्।
यसैबीच शनिबार पनि भेनेजुएलामा ४.९ म्याग्निच्युडको अर्को भूकम्प गएको थियो।
केही दिनयता लगातार भूकम्पका धक्का महसुस भइरहेकाले प्रभावित क्षेत्रमा थप क्षति हुन सक्ने जोखिमलाई ध्यानमा राख्दै स्थानीय प्रशासनले नागरिकलाई सतर्क रहन आग्रह गरेको छ।
भूकम्पपछिका पराकम्पहरू निरन्तर आइरहेकाले धेरै परिवार अझै खुला स्थान र अस्थायी शिविरमा बस्न बाध्य छन्।
विद्युत्, खानेपानी र सञ्चार सेवासमेत केही क्षेत्रमा प्रभावित भएको जनाइएको छ भने राहत तथा पुनःस्थापनाको काम जारी रहेको अधिकारीहरूले बताएका छन्।
.png)
.jpg)
.jpg)
.jpg)
