आज सर्वाधिक कारोबार गर्ने टप १० ब्रोकर, कुनबाट कति ?

काठमाण्डौ । साताको अन्तिम कारोबार दिन सेयरबजारमा ६ अर्ब ८६ करोड रुपैयाँमाथिको सेयर कारोबार भएको छ ।  

आज सर्वाधिक कारोबार गर्ने टप १० ब्रोकर कम्पनीमा ६ वटाबाट उच्च खरिद भएको छ भने ४ वटाबाट उच्च बिक्री भएको छ ।  

उच्च खरिद गर्ने ब्रोकरहरुमा ओपल सेक्युरिटिज, भिजन सेक्युरिटिज, श्रीकृष्ण सेक्युरिटिज, सुन्धारा सेक्युरिटिज, नासा सेक्युरिटिज र अनलाईन सेक्युरिटिज रहेका छन् ।  

त्यस्तै, उच्च बिक्री गर्ने ब्रोकरहरुमा नागरिक स्टक डिलर, हिमालयन सेक्युरिटिज, आरबीबी सेक्युरिटिज र डायनामिक मनि म्यानेजर्स रहेका छन् ।  

आज सर्वाधिक कारोबार गर्ने ब्रोकर कम्पनीमा ओपल सेक्युरिटिज रहेको छ । उक्त ब्रोकरबाट आज १ अर्ब ६७ करोड रुपैयाँमाथिको सेयर कारोबार भएको छ । जसमा ९६.२० प्रतिशत सेयर खरिद भएको छ भने ३.८० प्रतिशत सेयर मात्रै बिक्री भएको छ ।