(2).gif)
.jpg)
.png)
काठमाण्डौ । राष्ट्रिय सभाअन्तर्गतका तीनवटा समितिको बैठक आज बस्ने भएको छ। समितिहरूले सूचना जारी गर्दै आफ्ना सदस्य तथा सम्बन्धित सरोकारवालाहरूलाई निर्धारित समयमै उपस्थित हुन अनुरोध गरेका छन्।
विधायन व्यवस्थापन समितिको ७६०औँ बैठक दिउँसो २ बजेर १५ मिनेटमा समितिको बैठक कक्षमा बस्नेछ। बैठकमा ऐन कार्यान्वयनको मापन, विधायिकी अन्तरसम्बन्ध लगायत विविध विषयमा छलफल हुने कार्यसूची रहेको छ।
त्यसैगरी, सार्वजनिक नीति तथा प्रत्यायोजित विधायन समितिको ३३७औँ बैठक दिउँसो १ बजे सिंहदरबारस्थित समितिको हलमा आयोजना हुनेछ। बैठकमा मधेश र बागमती प्रदेशअन्तर्गतका जिल्लामा गरिएको अनुगमनको समीक्षा तथा अन्य समसामयिक विषयमा छलफल गरिने जनाइएको छ।
यस्तै, सङ्घीयता सबलीकरण तथा राष्ट्रिय सरोकार समितिको बैठक बिहान ११ बजे समितिको बैठक कक्षमा बस्नेछ। बैठकमा संसदीय अध्ययन तथा अनुसन्धान महाशाखाले तयार पारेको राष्ट्रिय महिला आयोगको कार्यप्रभावकारितासम्बन्धी अध्ययन प्रतिवेदन माथि छलफल गरिनुका साथै विविध एजेन्डामा पनि विचार–विमर्श हुने कार्यक्रम रहेको छ।
.png)
.jpg)
