.gif)
.gif)
.gif)
.webp)
.png)
काठमाण्डौ । रसुवाको टिमुरे क्षेत्रमा आएको भीषण बाढीमा परी बगाएका सात जनाको शव फेला परेको छ।
बागमती प्रदेश प्रहरी कार्यालयका प्रमुख तथा डीआईजी दीपक रेग्मीका अनुसार बुधबार नुवाकोट र धादिङका विभिन्न स्थानमा गरी सात जनाको शव फेला परेको हो।
उनका अनुसार नुवाकोटमा तीन जना र धादिङमा चार जनाको शव फेला परेको छ। शवको पहिचान तथा घटनासम्बन्धी थप विवरण संकलन भइरहेको छ।
बुधबार बिहान करिब ९ बजेतिर रसुवाको टिमुरे क्षेत्रमा भोटेकोशी नदीमा एक्कासि भीषण बाढी आएको थियो। माथिल्लो तटीय क्षेत्रबाट आएको बाढी भोटेकोशी हुँदै त्रिशूली नदीमा मिसिएपछि नुवाकोट, धादिङ र चितवनतर्फ समेत बहाव तीव्र बनेको थियो।
(1).gif)
बाढीले नदी तटीय क्षेत्रका बस्ती, सडक, जलविद्युत् आयोजना, भन्सारसहितका भौतिक संरचनामा क्षति पुर्याएको प्रारम्भिक विवरण आएको छ।
बाढी प्रभावित क्षेत्रमा अहिले नेपाली सेना, सशस्त्र प्रहरी बल र नेपाल प्रहरीका टोली उद्धार तथा खोजीमा परिचालन भएका छन्।
सम्पर्कविहीन व्यक्तिहरूको खोजी जारी रहेकाले मानवीय क्षतिको संख्या अझै बढ्न सक्ने आशंका गरिएको छ। सम्बन्धित निकायहरूले तल्लो तटीय क्षेत्रका नागरिकलाई उच्च सतर्कता अपनाउन तथा सुरक्षित स्थानमा रहन आग्रह गरेका छन्।
.png)
.gif)
.png)
(32).png)
.png)
(31).png)
(29).png)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।