.gif)
.png)
काठमाण्डौ । रसुवा जिल्लाको टिमुरे आसपासको क्षेत्रमा आएको भीषण बाढीपछि माछापुच्छ्रे बैंक लिमिटेडको टिमुरे शाखामा कार्यरत पाँच जना कर्मचारी सम्पर्कविहीन भएका छन्।
बैंकले सार्वजनिक गरेको सूचनाअनुसार भदौ १० गते बिहान करिब ८ः४० बजे रसुवाको टिमुरे आसपासमा आएको ठूलो बाढीका कारण शाखामा कार्यरत कर्मचारीहरूसँग हालसम्म सम्पर्क हुन नसकेको जनाएको छ।
सम्पर्कविहीन हुने कर्मचारीहरूमा भीमप्रसाद मेजु, अनुज नेपाल, सबिन महर्जन, पूनम ठाकुर र मिङमार तामाङ रहेका छन्।
बैंकले उनीहरूलाई कसैले देखेको वा उनीहरूको अवस्थाबारे कुनै जानकारी प्राप्त गरेको भए तत्काल माछापुच्छ्रे बैंक लिमिटेडमा सम्पर्क गरी जानकारी गराइदिन अनुरोध गरेको छ।
बाढीका कारण रसुवासहित आसपासका क्षेत्रमा जनधनको ठूलो क्षति भएको छ भने विपद्पछि प्रभावित क्षेत्रमा उद्धार तथा खोजी कार्य जारी रहेको छ। सम्पर्कविहीन कर्मचारीहरूको अवस्थाबारे जानकारी प्राप्त गर्न बैंक तथा सम्बन्धित निकायले आवश्यक समन्वय गरिरहेका छन्।
.png)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।