.gif)
_(1).gif)
.png)
काठमाण्डौ । इन्ड्राइभको ‘योरपेस किप फिट सर्किट नेपाल शुरु भएको छ । यो तालिम सबै उमेर र क्षमताका व्यक्तिहरूका लागि शारीरिक तन्दुरुस्ती र स्वास्थ्यलाई प्रवद्धन गर्ने उदेश्यले डिजाइन गरिएको हो ।
मे २ देखि सेप्टेम्बर २५ (बैशाख २० गतेदेखि असोज ९ गते) सम्म चल्ने यो रनिङ्ग प्रोग्राम नेपालमा हेल्थ एण्ड वेलनेसको संस्कृतिलाई बढावा दिनको लागि इनड्राइभले गर्ने प्रयासको नेपाल एडिसन हो ।
कार्यक्रमले प्रमुख आठ स्थानहरूः काठमाडौं (दशरथ रंगशाला, स्वयम्भू), पोखरा, ललितपुर, भक्तपुर, कीर्तिपुर, हेटौंडा र बुटवलका लगभग ४५० सहभागीहरूलाई संलग्न गराउने लक्ष्य राखेको छ । यी स्थानहरूमा प्रशिक्षण सत्रहरू सञ्चालन गरिनेछ र दर्तापछि प्रत्येक सहभागीको लागितालिका निर्धारित गरिनेछ ।
(1).gif)
योरपेस किप फिट सर्किट नेपाल सहभागीहरूमा सकारात्मक सोच र शारीरिक तन्दुरुस्ती प्रवद्धन गर्न विशेष गरी बालबालिका र धावकहरूलाई लक्षित गरी डिजाइन गरिएको पहल हो । यो निःशुल्क तालिम कार्यक्रमले समुदायभित्र फिटनेस र वेलनेसको संस्कृतिलाई बढावा दिदै सक्रिय र स्वस्थ जीवन शैली अपनाउन मानिसहरुलाई उत्प्रेरित गर्ने लक्ष्य राखेको छ । यो कार्यक्रमले सहभागीहरूलाई दौड प्रशिक्षण र समर्थन प्रदान गरेर शारीरिक र मानसिक रूपमा आफूलाई विकास गर्न साथै व्यक्तिगत कल्याणको लागि होस् वा खेलकुदमा करियर बनाउनको लागि सशक्तबनाउने प्रयास गर्ने जनाइएको छ ।
कार्यक्रमको एक भागको रूपमा सहभागीहरूले ब्रान्डेड टी–शर्ट पनि प्राप्त गर्नेछन् ।
प्रशिक्षण सकिएपछि इच्छुक सहभागीहरूले १६ औं काठमाण्डौ म्याराथनमा भाग लिने अवसर पाउनेछन् ।
इन्ड्राइभका हेड अफ स्पोर्ट, अन्ना फेडोरचुकले भनिन,‘हामी गतवर्षदेखि यो सहकार्य जारी राख्न पाउँदा र यो असाधारण कार्यक्रम पुनः प्रस्ताव गर्न पाउँदा खुसी छौं । हाम्रो लक्ष्य मानिसहरूलाई स्वास्थ्य र फिटनेसमा प्रेरित गर्नु र त्यसका लागि सशक्त बनाउँदै समान सोच भएका उत्साही मानिसहरुको समुदाय निर्माण गर्नु हो ।’
.gif)
.png)
.jpg)
(2).jpg)
.png)
.gif)
(1).gif)
.gif)
