.gif)
.gif)
.gif)
.png)
काठमाण्डौ । बूढीगण्डकी नदीमा आएको बाढीले कुल ४१२.४१ मेगावाट क्षमताका चार जलविद्युत् आयोजनामा क्षति पुर्याएको छ। बाढीले आयोजनाका क्याम्प, निर्माण उपकरण र बेलिब्रिज बगाउनुका साथै पहुँच सडक तथा पुलमा समेत क्षति पुर्याएको प्रारम्भिक विवरण आएको छ।
सबैभन्दा बढी असर टाइम्स इनर्जी प्रालिले प्रवर्द्धन गरिरहेको ३४१ मेगावाटको बूढीगण्डकी जलविद्युत् आयोजनामा परेको देखिएको छ। बाढीले उक्त आयोजनाको मुख्य क्याम्प क्षेत्रसँगै केही निर्माण उपकरणसमेत बगाएको छ।
दोभान खोला हाइड्रोपावर लिमिटेडले प्रवर्द्धन गरेको २४.५ मेगावाटको दोभान खोला जलविद्युत् आयोजनाको बेलिब्रिज पनि बाढीले बगाएको छ। आयोजनाको क्याम्प क्षेत्रका केही घरमा समेत क्षति पुगेको प्रारम्भिक विवरणमा उल्लेख छ।
.gif)
यारु हाइड्रो पावर प्रालिले प्रवर्द्धन गरिरहेको ३०.९१ मेगावाटको यारु खोला जलविद्युत् आयोजनाका निर्माण सामग्री तथा उपकरण पनि बाढीले बगाएको छ। उक्त आयोजनाको बेलिब्रिजमा समेत क्षति पुगेको छ।
त्यस्तै, वाटर इनर्जी डेभलपमेन्ट प्रालिले प्रवर्द्धन गरिरहेको १६ मेगावाटको माछा खोला जलविद्युत् आयोजनाको पहुँच सडक र आयोजनास्थल पुग्ने पुल क्षतिग्रस्त भएका छन्। सडक तथा पुलमा पुगेको क्षतिले आयोजनास्थलसम्मको आवागमन र निर्माण सामग्री ढुवानीमा कठिनाइ निम्तिन सक्ने देखिएको छ।
चारवटै आयोजनाको क्षतिको पूर्ण विवरण आउन बाँकी छ। कुल आर्थिक नोक्सानी, निर्माण कार्यमा पर्ने असर र क्षतिग्रस्त संरचना पुनर्निर्माण गर्न लाग्ने समयबारे भने यकिन विवरण सार्वजनिक भएको छैन।
(1).gif)
.png)
.gif)
.jpg)
.jpeg)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।