.gif)
.gif)
.gif)
.png)
काठमाण्डौ । प्रधानमन्त्री वालेन्द्र (बालेन) शाह प्रधानमन्त्री बनेपछि पहिलोपटक नेपाल प्रहरीको औपचारिक कार्यक्रममा सहभागी भएका छन् ।
सोमबार महाराजगञ्जस्थित राष्ट्रिय प्रहरी प्रशिक्षण प्रतिष्ठानमा आयोजित प्रहरी निरीक्षक आधारभूत तालिम १–१८४ औँ समूहको दीक्षान्त समारोहमा सहभागी हुँदै प्रधानमन्त्री शाहले नयाँ प्रहरी निरीक्षकहरूलाई कुनै पनि दबाब, प्रभाव र अनुचित हस्तक्षेपबाट मुक्त भएर जिम्मेवारी निर्वाह गर्न निर्देशन दिएका छन् ।
समारोहलाई सम्बोधन गर्दै उनले प्रहरीको कामप्रति नागरिकले निष्पक्षता र विश्वास अनुभूत गर्न सक्ने वातावरण बनाउनुपर्ने बताए ।
‘भेदभाव नगरी प्रहरीले कुशलतापूर्वक काम गर्छ भन्ने विश्वास नागरिकले अनुभूत गर्ने गरी काम गर्नुस्,’ उनले भने ।
प्रधानमन्त्री शाहले प्रहरी सेवामा व्यावसायिक सफलताको पहिलो आधार इमानदारिता र नैतिकता भएको उल्लेख गर्दै जिम्मेवारीसँगै जबाफदेहिता पनि उत्तिकै महत्त्वपूर्ण हुने बताए ।
आधारभूत तालिम पूरा गरेर कार्यक्षेत्रमा प्रवेश गर्न लागेका निरीक्षकहरूलाई लक्षित गर्दै उनले कुनै पनि दबाब वा प्रभावमा नपर्न आग्रह गरे ।
.gif)
.gif)
‘मलाई विश्वास छ, यहाँहरू कुनै दबाब र प्रभावमा पर्नुहुनेछैन,’ उनले भने, ‘संगठनको प्रोटोकलविपरीतका गतिविधिमा समेत संलग्न हुनुहुने छैन भन्ने अपेक्षा छ ।’
समयसँगै अपराधको प्रकृति र शैली परिवर्तन भइरहेको उल्लेख गर्दै प्रधानमन्त्री शाहले अनुसन्धान प्रणालीलाई पनि प्रविधिमैत्री बनाउनुपर्ने आवश्यकता औँल्याए ।
उनले परिणाममुखी अनुसन्धानका लागि आधुनिक प्रविधि, उपकरण तथा आवश्यक स्रोतसाधन अपरिहार्य रहेको भन्दै त्यसका लागि सरकार सहयोग गर्न तयार रहेको बताए ।
प्रहरी सेवाजस्तो चुनौतीपूर्ण पेसामा आफ्ना छोराछोरीलाई पठाउने अभिभावक तथा परिवारप्रति पनि शाहले आभार व्यक्त गरे ।
राष्ट्रिय प्रहरी प्रशिक्षण प्रतिष्ठानका निर्देशक डीआईजी दिनेश आचार्यका अनुसार प्रहरी निरीक्षक १–१८४ औँ समूहमा कुल ७९ जना दीक्षित भएका छन् । तीमध्ये ८ जना महिला र ७१ जना पुरुष छन् ।
दीक्षित निरीक्षकहरूले ३४० दिन लामो आधारभूत तालिम पूरा गरेका हुन् ।
समारोहमा मुख्य सचिव गोविन्दबहादुर कार्की, नेपाल प्रहरीका महानिरीक्षक दानबहादुर कार्की, सशस्त्र प्रहरी बलका महानिरीक्षक नारायदत्त पौडेललगायत उच्च अधिकारीहरूको उपस्थिति थियो ।
(1).gif)
.png)
.gif)
.png)
.png)
.png)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।