.gif)
_(1).gif)
.jpg)
.png)
काठमाण्डौ । बैंकिङ प्रणालीमा अधिक तरलता देखिन थालेको छ । नेपाल राष्ट्र बैंकले सार्वजनिक गरेको तथ्यांक अनुसार जेठ १ गतेसम्म बैंकिङ प्रणालीमा ६१ खर्ब ८६ अर्ब रुपैयाँबराबरको निक्षेप संकलन भएको छ । गत वैशाख २५ गतेसम्म भने बैंकिङ प्रणालीमा ६१ खर्ब ७५ अर्ब रुपैयाँबरारबको निक्षेप संकलन रहेको थियो । यसरी बैंकिङ प्रणालीको निक्षेप १० दिनको अन्तरालमा ११ अर्ब रुपैयाँले बढेको छ ।
वाणिज्य बैंकहरुको निक्षेप पनि ७ अर्ब रुपैयाँले बढेको छ । कुल निक्षेपमा वाणिज्य बैंकहरुको निक्षेप ५४ खर्ब ६८ अर्ब रुपैयाँ रहेको छ । वैशाख २५गतेसम्म वाणिज्य बैंकहरुको कुल निक्षेप ५४ खर्ब ६१ अर्ब रहेको थियो ।
(1).gif)
यस्तै अन्य वित्तीय संस्थाको निक्षेप भने स्थिर रहेको छ । अन्य वित्तीय संस्थाको निक्षेप ७ खर्ब १४ अर्ब रुपैयाँ रहेको छ । निक्षेप संकलनको तुलनामा कर्जा प्रवाह बढ्न नसक्दा बैंकिङ प्रणालीमा अधिक तरलता देखिएको हो ।
गत वैशाख २५ गतेसम्म ५१ खर्ब ११ अर्ब रहेको कर्जा प्रवाह १ अर्बले घटेर जेठ १ गतेसम्म ५१ खर्ब १० अर्ब रुपैयाँमा सीमित भएको छ छ । सीडी रेसियो ८०.३९ प्रतिशतबाट घटेर ८०.३५ प्रतिशत कायम भएको छ । अन्तरबैंक ब्याजदर भने स्थिर २.७८ प्रतिशत कायम भएको छ ।
.gif)
.png)
.jpg)
.jpg)
.jpg)
.jpg)
.gif)
(1).gif)
.gif)
