नागढुंगा सुरुङ मार्गमा १५ कात्तिकदेखि शुल्क लाग्ने, कुन सवारीको दस्तुर कति ?

काठमाडौं । नागढुंगा सुरुङ मार्ग प्रयोग गर्ने सवारीसाधनबाट आगामी १५ कात्तिकदेखि सडक उपभोग दस्तुर लिइने भएको छ।

नागढुंगा सुरुङ मार्ग निर्माण आयोजनाका अनुसार सवारीसाधनको वर्ग र काठमाडौँ प्रवेश तथा बाहिरिने दिशाअनुसार फरक–फरक शुल्क निर्धारण गरिएको छ।

निर्धारित दरअनुसार कार, भ्यान, पिकअप, ट्याक्टर, माइक्रोबसलगायत हलुका सवारीसाधनले काठमाडौँ प्रवेश गर्दा ६५ रुपैयाँ र बाहिरिँदा ६० रुपैयाँ तिर्नुपर्नेछ।

मिनी बस तथा मिनी टिपररट्रकका लागि प्रवेशमा ११५ र बाहिरिँदा ८० रुपैयाँ शुल्क तोकिएको छ। बस तथा ट्रकले प्रवेशमा २६० र बाहिरिँदा २०० रुपैयाँ तिर्नुपर्नेछ।

त्यस्तै, मल्टी एक्सल ट्रक तथा भारी उपकरणले काठमाडौँ प्रवेश गर्दा ६०० रुपैयाँ र बाहिरिँदा २५० रुपैयाँ शुल्क बुझाउनुपर्नेछ।

सडक बोर्ड नेपालको कार्यकारी समितिको १२ असोजको निर्णय र नेपाल राजपत्रमा २६ चैत २०८२ मा प्रकाशित सूचनाअनुसार शुल्क निर्धारण गरिएको आयोजनाले जनाएको छ।