पोखरामा ‘पल्सर आरपीएम’को रौनक ३ हजारभन्दा बढी युवा सहभागी

काठमाण्डौ । बजाज पल्सरको युवामुखी प्लेटफर्म ‘पल्सर आरपीएम’को पोखरा संस्करणमा ३ हजारभन्दा बढीको सहभागिता भएको छ ।

अक्टोबर ३१ मा पोखरा रंगशालास्थित अन्नपूर्ण स्केट पार्कमा आयोजित कार्यक्रममा मोटरसाइकल स्टन्टसँगै क्यालिस्थेनिक्स, बीएमएक्स, स्केटबोर्डिङ, ब्रेकिङ, ग्राफिटी तथा विभिन्न अन्तरक्रियात्मक गतिविधि सञ्चालन गरिएको कम्पनीले जनाएको छ ।

मौसम प्रतिकूलता र रंगशाला परिसरभित्र कार्यक्रम आयोजना गरिएको भए पनि युवाको उल्लेख्य उपस्थिति रहेको कम्पनीको दाबी छ । पछिल्लो समय युवामाझ एड्भेन्चर स्पोर्ट्स र स्ट्रिट कल्चरप्रतिको आकर्षण बढ्दै गएको सन्दर्भमा पोखरा संस्करणले स्थानीय प्रतिभालाई एउटै प्लेटफर्ममा जोडेको कम्पनीले जनाएको छ ।

कार्यक्रमको मुख्य आकर्षण पल्सर एन१६० मार्फत प्रस्तुत गरिएको मोटरसाइकल स्टन्ट शो थियो । त्यसैगरी फ्रिस्टाइल तथा स्ट्याटिक्स क्यालिस्थेनिक्स प्रतिस्पर्धामा सहभागी खेलाडीहरूले शारीरिक सन्तुलन, शक्ति र प्राविधिक कौशल प्रदर्शन गरेका थिए ।

स्थानीय बीएमएक्स राइडर, स्केटबोर्डर, ब्रेकर, ग्राफिटी आर्टिस्ट तथा आर्म रेस्लिङका सहभागीहरूले समेत आफ्नो कला र क्षमता प्रस्तुत गरेका थिए । कार्यक्रममा डीजे जेन्टल–जीको प्रस्तुति, फुड तथा कफी पपअप र विभिन्न इन्गेजमेन्ट जोनसमेत राखिएको थियो ।

आयोजकले पल्सर एन१६० र एनएस२०० मोटरसाइकलको प्रदर्शनीसँगै टेस्ट राइड जोन पनि सञ्चालन गरेको थियो । यसमार्फत सहभागीले दुवै मोटरसाइकल प्रत्यक्ष रूपमा अनुभव गर्ने अवसर पाएका थिए ।

काठमाडौं र बुटवलपछि पोखरामा आयोजना गरिएको यो संस्करणले स्थानीय प्रतिभा र एक्सन स्पोर्ट्स समुदायलाई जोड्दै नेपालमा युवा तथा स्ट्रिट कल्चरको प्रवर्द्धन गर्ने ‘पल्सर आरपीएम’को अभियानलाई थप विस्तार गरेको कम्पनीले जनाएको छ ।

पल्सर आरपीएम पोखराका स्टन्ट राइडर रविन श्रेष्ठले पोखराका युवाको उत्साहले कार्यक्रमलाई विशेष बनाएको बताए । उनले कार्यक्रम केवल स्टन्ट शो नभई सपना देख्ने युवा, कलाकार, खेलाडी र समर्थकलाई एउटै थलोमा जोड्ने उत्सव भएको उल्लेख गरे ।

बजाज पल्सरले कार्यक्रम सफल बनाउन सहयोग गर्ने स्थानीय कलाकार, खेलाडी, साझेदार, सञ्चारमाध्यम, प्रमोटर, प्राविधिक टोली, विक्रेता तथा सहभागीप्रति धन्यवादसमेत व्यक्त गरेको छ ।