म्याक्स टाइगरले चार विजेतालाई दियो बाइक र स्कुटर बम्परमा प्रोटोन कार बाँकी

काठमाण्डौ । म्याक्स टाइगर इनर्जी ड्रिंकले ‘दशैं धमाका २०२६’ अभियानअन्तर्गत चार विजेतालाई तीन मोटरसाइकल र एक स्कुटर हस्तान्तरण गरेको छ । काठमाण्डौ र विराटनगरमा आयोजित ‘एक्स्ट्रिम फ्यानजोन’ कार्यक्रममा विजेतालाई पुरस्कार दिइएको कम्पनीले जनाएको छ ।

काठमाण्डौको सिफलस्थित नेपाल प्रिमियर लिग (एनपीएल) को प्रत्यक्ष प्रसारण हेर्ने स्थलमा आयोजित कार्यक्रममा काठमाण्डौका सुमन कर्माचार्य र विनोद ढुंगेलले मोटरसाइकल प्राप्त गरे । दुवैले म्याक्स टाइगरको क्यानको बिर्कोमार्फत मोटरसाइकल जितेका थिए ।

विराटनगरको पुरानो गुद्रीमा आयोजित कार्यक्रममा धरानका अनोजकुमार अधिकारीलाई स्कुटर र विराटनगरका विनोद पोखरेललाई मोटरसाइकल हस्तान्तरण गरिएको छ ।

कम्पनीका अनुसार अभियानमा हालसम्म १० जनाले मोटरसाइकल र ८ जनाले स्कुटर जितेका छन् । अभियानअन्तर्गत अझै ८ वटा मोटरसाइकल, १० वटा स्कुटर र बम्पर पुरस्कारमा एउटा प्रोटोन कार जित्ने अवसर बाँकी छ ।

कम्पनीले एनपीएलको प्रत्यक्ष प्रसारण हुने ‘एक्स्ट्रिम फ्यानजोन’ कार्यक्रममार्फत विजेतालाई पुरस्कार हस्तान्तरण गर्ने क्रमलाई निरन्तरता दिने जनाएको छ ।