.gif)
(2).gif)
_(1).gif)
.png)
काठमाण्डौ । यो साता सेयर बजारमा ४ दिन कारोबार भयो । ४ दिनमा बजार ३ दिन घट्यो भने १ दिनमात्रै बढ्यो । अघिल्लो साता २११२.२९ को विन्दुमा बन्द भएको बजार यो साता २०६८.९१ विन्दुमा बन्द भयो । यस हिसावले यो साता सेयर बजारमा ४३.३८ अंकको गिरावट आयो ।
अघिल्लो साता बजारमा ३४.५१ अंकको बढोत्तरी आएको थियो । यो साता दोस्रो बजारमा १६.८ अर्बको कारोबार भयो । अघिल्लो साता २८.५७ अर्बको कारोबार भएको थियो । यस हिसाबले यो सातापनि दोस्रो बजारमा नेप्से परिसूचक र कारोबार दुबै घट्यो । अघिल्लो साता भने दोस्रो बजारमा नेप्से सूचक र कारोबार दुबैमा बढोत्तरी आएको थियो ।
यो साता बजार पूँजीकरण ३२.७९ खर्ब रह्यो । अघिल्लो साता बजार पूँजीकरण ३३ खर्ब ४९ अर्ब रहेको थियो । यस हिसाबले यो साता बजारमा गिरावट आँउदा ७० अर्बले बजार पूँजीकरण घट्न पुगेको छ ।
फिवोनासीका आधारमा
फिवोनासी एउटा यस्तो टुल हो, जसले एकपटक बढेपछि बजार घट्दा कतिसम्म तल आउन सक्छ र कति–कतिमा टेवा लिन्छ भन्ने विषय अनुपातका आधारमा संकेत गर्छ । बढ्दा पनि कति–कति प्रतिशतमा प्रतिरोध गरेको हुन्छ भन्ने यी अनुपातबाट अनुमान लगाउन सकिन्छ । यस्ता अनुपातलाई फिवोनासी गोल्डेन अनुपातहरु पनि भनिन्छ । ती अनुपातहरु २३.६, ३८.२, ५०, ६१.८ र १०० प्रतिशत हुन् ।
.gif)
यो सिद्धान्तअनुसार पछिल्लोपटक १९६० विन्दुलाई आधार बनाएर माथि लागेको बजार करिब २१५० विन्दुसम्म पुग्यो । यस आधारमा न्यून विन्दुबाट उच्च विन्दुसम्म फिवोनासी तानेर हेर्दा बजारले यो साता ०.३८ प्रतिशतको २०७५ को सपोर्टलाई ब्रेक गरेर तल आएको छ । यस हिसाबले यो साता २०६८ विन्दुमा बन्द भएको बजार अब ०.५ को सपोर्ट लिन आँउछ भने त्यो २०५० विन्दुसम्म र अधिक करेक्सन आएमा बजारले ०.६१ प्रतिशतको करेक्सन २०३० विन्दुसम्म आउन सक्छ । यस हिसाबले हेर्दा बजार अल्पकालमा केही करेक्सन देखिएको तर दीर्घकालमा भने बजार अप ट्रेन्ड नै रहेको देखिन्छ ।
बोलिङगर ब्याण्ड , म्याक्डी एण्ड आरएसआई
साप्ताहिक रुपमा बजारलाई बोलिङ्गर ब्याण्डमार्फत नियाल्दा अघिल्लो साता अपर ब्याण्डमा प्रतिरोध लिएरको बजारमा यो साता करेक्सन आएको छ । यो साता करेक्नस आएको बजारले आगामी साता पनि करेक्सन लिन्छ भने त्यो मध्य ब्याण्डसम्म आउन सक्छ । त्यो भनेको करिब २०३७ को विन्दुमा देखिन्छ । साप्ताहिक रुपमा म्याक्डीमा बुलिस क्रसओभर भ्यालिड नै रहेको छ । आरएसआई करिब ६० को तहबाट खसेर हाल न्युट्रल जोन भन्दामाथि ५३ को विन्दुमा रहेको छ । समग्रमा तीन वटै इन्डिकेटरबाट नियाल्दा बजारमा यो साता अल्पकालिन करेक्नस चलेको देखिन्छ । साप्ताहिक रुपमा नै क्याण्डल स्टिकको आधारमा बजारलाई नियाल्दा वियरिस मारुब्ुजु प्रकृतिको क्याण्डल बनेको देखिन्छ । यसले बजारमा आगामी साता पनि बिक्री दबावले निरन्तरता पाउन सक्ने बुझिन्छ ।
पिभट् विश्लेषण
पिभट् विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२२०६
प्रतिरोध २ –२१७०
प्रतिरोध १– २१४१
पिभट प्वइन्टः २१०५
घटेमा सपोर्ट
सपोर्ट १– २०७६
सपोर्ट २– २०३९
सपोर्ट ३ –२०१०
निष्कर्षः अघिल्लो साता ३४.५१ अंकले बढेको बजारमा यो साता ४३.४८ अंकले गिरावट आयो । यो साता बजार घट्दा कारोबार र भोल्युममा पनि गिरावट आयो । प्राविधिक रुपमा बजारलाई नियाल्दा यो साता फिवोनासीमा ०.३८ प्रतिशतले करेक्सन आएको बजारको घटाईले यदि आगामी साता पनि निरन्तरता पाँउछ भने बजारले ०.५ को करेक्सन २०५० को विन्दुसम्म र अधिक करेक्सन भएको खण्डमा ०.६१ प्रतिशतको करेक्सन २०३० आसपास हुन सक्छ । त्यस पछि भने बजारले एउटा करेक्सन सकेर पुन ः माथिको यात्रा तय गर्न सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेष्ण कारोबारका लागि सिफारिस भने होइन ।
.png)
(186).jpg)
.jpg)
(1).jpg)
(1).gif)
.gif)
