अष्ट्रेलियाले विद्यार्थी भिषामा थप कडाई गर्दै, पढाई सकेपछि स्वदेश फर्कनु पर्ने

OTHERS
शुक्रबार, असार १४,२०८१ 16:56:20

काठमाण्डौ । अष्ट्रेलिया सरकारले विदेशी आप्रवासि नितीमा कडाइ गरेको छ । अष्ट्रेलिया सरकारले पढाइ सकेपछि अस्थाई अनुमति पत्र लिएका विद्यार्थीहरुले पुनः विद्यार्थी भिसा नपाउने नियाम ल्याएको छ ।

यसको साथै अब कलाकार तथा पर्यटन भिषामा आउनेहरुले पनि विद्यार्थी भिषामा आफ्नो स्टाटस परिवर्तन गर्न नपाउने भएका छन् । अष्ट्रेलियाकी गृहमन्त्री क्लेयर ओनिलले अर्को महिनादेखि पर्यटक भिसामा रहेका तथा टीआरमा रहेका कसैले पनि विद्यार्थी भिसा आवेदन दिन नपाउने नियमको घोषणा गरेकी छिन् ।

ओनिलले आज थप नियमको घोषणा गर्दै यी दुई भिसा क्याटोगेरी (सब–क्लास ६०० र ४८५) मा रहेकाले समेत अष्ट्रेलियाबाट विद्यार्थी भिषाको आवेदन दिन नपाउने बताएकी हुन् । पढाई सकेपछि विद्यार्थीहरुले सिपमूलक काम खोजेर पीआर लिनुपर्ने र अन्यथा स्वदेश फर्कनुपर्ने व्यवस्था गरिएको छ । विद्यार्थीहरुले स्वदेश फर्किएर विद्यार्थी भिषा आवेदन गर्न भने पाउनेछन् ।

तर अष्ट्रेलियामा एकपटक ग्राजुएट भएका विद्यार्थीले स्वदेश फर्केर पुनः विद्यार्थी भिषा पाउने सम्भावना भने कमै हुन्छ । पछिल्लोपटक कोभिड पछि अष्टे«लियाले विदेशी आप्रवासि घटाउन विद्यार्थी भिषालाई कडाइ गरेको त्यहाँस्थित माइग्रेसन परामर्शदाताहरुले बताउँदै आएका छन् । यस्तो नियम जुलाइ १ देखि भिषा आबेदन दिनेहरुको हकमा लागू हुने छ ।

अष्ट्रेलियाको सरकारी तथ्यांकअनुसार अहिले ७ लाख ४० हजार विद्यार्थी भिषामा अष्ट्रेलियामा रहेका छन् । त्यहाँ अध्ययनरत विदेशी विद्यार्थीमा नेपालीको कुल संख्या ७० हजार भन्दा माथि रहेको आधिकारिक तथ्यांक छ ।