.gif)
(1).gif)
.png)
काठमाण्डौ । जिम्बाबेले अफ्रिकन युनियनबाट ३१.८ मिलियन डलरबराबरको खडेरी बीमा रकम प्राप्त गरेको छ । जिम्बाबेले अफ्रिकन युनियनको अंगको रुपमा रहेको ‘अफ्रिकन रिस्क क्यापासिटी’बाट उक्त खडेरी बीमा रकम प्राप्त गरेको हो ।
अफ्रिकन रिस्क क्यापासिटीले ‘इल निनो’ नामक खडेरीबाट ग्रस्त भएको जिम्बाबेलाई ३१.८ मिलियन डलर उपलब्ध गराएको त्यहाँको वित्तमन्त्री मिथुली एनक्यूबले बताएका छन् । यस्तै उनले सरकारले खाद्य आवश्यकता भएकाहरुलाई खाना वितरण गर्ने रणनीति समेत लिएको बताएका छन् ।
एनक्यूबले खाद्य वितरण कार्यक्रमले खाद्य जोखिममा परेकाहरुलाई सहयोग पुर्याउने लक्ष्य लिएको र यसबाट अहिले ६० लाख मानिसहरु लाभान्वित भईरहेको बताएका छन् ।
.gif)
खडेरी बीमाबापत पाएको रकम खडेरीको प्रकोप रोक्न अपनाइने उपायहरुका लागि प्रयोग गरिने समेत वित्तमन्त्री मिथुलीले बताए । यसबाट ५ लाख ९ हजार घरपरिवार लाभान्वित बन्नेछन् । जिम्बाबेको सरकारले प्रत्यक्ष रुपमा १६.८ मिलियन डलर प्राप्त गरेको छ । यस्तै विश्व खाद्य कार्यक्रमले समेत १ मिलियन डलर उपलब्ध गराएको छ । यसबाट दक्षिणी जिम्बाबेका २ लाख मानिस लाभान्वित हुनेछन् ।
इल निनो नामक मौसमी अवस्थाले बालीनालि नष्ट गरेकाले मार्चसम्म १७ १ करोड ७० लाख मानिसहलाई खाद्यान्न आवश्यक पर्ने जिम्बाबे सरकारले जनाएको छ ।
जिम्बाबेले वार्षिक रुपमा २२ लाख टन मकै उपभोग गर्छ । तर यो वर्ष भने देशमा ७ लाख ४४ हजार २७१ टन मात्रै मकै उत्पादन हुने अपेक्षा गरिएको छ । जुन अघिल्लो वर्षको तुलनामा ७० प्रतिशतले कम हो । -एजेन्सी
.gif)
.png)
.jpg)
.jpg)
.png)
.gif)
