.gif)
_(1).gif)
.png)
काठमाण्डौ । नेपाल विद्युत् प्राधिकणले थप २ उद्योगको विद्युत लाइन काटेको छ । प्राधिकरणले बिहिबार डेडिकेटेड तथा ट्रंक लाइन प्रयोग गरेवापतको विद्युत् महसुल बक्यौता नबुझाएका थप २ उद्योगको लाइन काटेको हो ।
प्राधिकरणले जगदम्बा सिन्थेटिक्स प्रालि र हुसाल स्टिलको लाइन काटेको हो । जगदम्बा सिन्थेटिक्सले १६ करोड रुपैयाँ बढी र हुलास स्टिलले ११ करोड २९ लाख रुपैयाँ बक्यौता भुक्तानी गर्न बाँकी छ ।
गत मंगलबार पनि प्राधिकरणले बक्यौता भुक्ताानी नगरेको भन्दै रिलायन्स स्पेनिङ मिल्स, घोराही सिमेन्ट र अर्घाखाँची सिमेन्टको लाइन काटेको थियो । यससँगै प्राधिकरणबाट लाइन काटिने उद्योगको संख्या ५ पुगेको छ ।
घोराही सिमेन्टले प्राधिकरणलाई ४० करोड ६८ लाख रुपैयाँ, रिलायन्स ६० करोड २९ लाख रुपैयाँ रअर्घाखाँची सिमेन्टले ३५ करोड ८८ लाख रुपैयाँ बक्यौता तिर्न बाँकी छ ।
(1).gif)
बक्यौता भुक्तानी गर्न आनाकानी गर्ने अन्य उद्योगको पनि लाइन काट्ने तयारी भइरहेको प्राधिकरणले जनाएको छ । प्राधिकरणले गत असार १२ गते बक्यौता तिर्न बाँकी ६१ वटा उद्योगीहरूलाई पत्र काट्दै १५ दिनभित्र बक्यौता तिर्न ताकेता गरेको थियो ।
प्राधिकरणले २५ प्रतिशत थप दस्तुर जोडेर भुक्तानी गर्न निर्देशन दिएको छ । प्राधिकरणलाई उद्योगीहरुले तिर्नुपर्ने कुल बक्यौता रकम ६ अर्ब ६० करोड रुपैयाँ रहेको छ । तर भुक्तानी गर्ने ६० दिन कटिसकेकाले त्यसमा २५ प्रतिशत थप दस्तुर जोडेर भुक्तानी गर्न प्राधिकरणले निर्देशन दिएको छ ।
.png)
.jpg)
.jpg)
.jpg)
.gif)
(1).gif)
.gif)
