(1).gif)
(4).gif)
.png)
काठमाण्डौ । भारतमा बजेट पेश गर्नुअघि हरेक वर्ष हलुवा समारोह हुने गर्छ । यो वर्ष पनि भारतमा गत मंगलबार हलुवा समारोह सम्पन्न भएको छ । यो समारोह प्रत्येक वर्ष बजेट पेश गर्नुअघि आयोजना गरिन्छ । बजेट पेश गर्नुअघि भारतका वित्तमन्त्रीले सबैलाई हलुवा बाड्ने गर्छन् ।
यसैको निरन्तरता स्वरुप मंगलबार वित्तमन्त्री निर्मला सीतारमणले नर्थ ब्लकमा हलुवा समारोह आयोजना गरेकि छिन् । यो समारोह ‘लक इन’प्रक्रिया सुरु हुनुअघि आयोजना गरिन्छ । उक्त अवसरमा बजेट निर्माण कार्यमा समावेश भएको अधिकारी तथा कर्मचारीका साथै राज्यमन्त्री पंकज चौथरी समेत समावेश थिए ।
(3).gif)
(1).gif)
यो समारोहमा वित्तमन्त्रीले आफै सबैलाई हलुवा पस्कने गर्छन् । यसलाई वित्त मन्त्रालयको सबै अधिकारीहरुको कडा मिहेनतलाई प्रशंसा गर्ने माध्यमको रुपमा समेत लिने गरिन्छ । हलुवा समारोहले अब बजेट तयार भईसक्यो र सबै दस्तावेज प्रिन्ट हुने प्रक्रिया सुरु भइसक्यो भन्ने संकेत गर्छ ।
यस्तै यो समारोह भएपछि लकडाउनको सुरुवात भएको समेत मानिन्छ । यसका र्थ बजेटसँग सम्बन्धित कुनै पनि अधिकारीलाई मन्त्रालय परिसरबाट बाहिर जाने अन्ुमति हुँदैछ । बजेट निर्माण टीमका सबै सदस्यलाई संसदमा वित्तीय दस्तावेज पेश गरिसकेपछि मात्रै बाहिर जाने अनुमति दिइन्छ ।
भारतमा यो वर्षको बजेट सत्र २२ जुलाईबाट सुरु हुने कार्यक्रम तय भएको छ । सितारमणले ६ पटक बजेट पेश गर्नेछिन् । यससँगै उनी भारतमा सबैभन्दा धेरैपटक बजेट पेश गर्ने अर्थमन्त्री बन्नेछिन् ।
.gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
(1).gif)
