.gif)
_(1).gif)
.png)
काठमाण्डौ । बुल सुरु भएको ठानिएको सेयर बजारमा खराब अवस्थाका कम्पनीहरुको मूल्य चलखेल गरी बढाउने क्रम जारी छ । यो क्रममा केही व्यापारिक घराना निकट समूहले नियोजित र नियमित रुपमा कर्नरिङ गर्दै तीव्र गतिमा मूल्य बढाएको अर्को एउटा कम्पनी हो हाथ्वे इन्भेष्टमेन्ट नेपाल लिमीटेड ।
यो कम्पनीले ५० रुपैयाँ दरका आईपीओ निश्कासन गरी दोश्रो बजारमा सूचीकृत भएको हो । सूचीकृत भएको छोटो समयमै ५० रुपैयाँ दरका सेयरको मूल्य नियोजित रुपमा बढाएर निकै माथि पुर्याइएको छ ।
.gif)
यो कम्पनीका पछिल्ला वित्तीय विवरण उत्साहजनक छैनन् । अघिल्लो आर्थिक वर्षको तेश्रो त्रैमाससम्म यो कम्पनीको प्रतिसेयर नेटवर्थ ७७.६२ रुपैयाँ मात्र छ । वार्षिकीकृत प्रतिसेयर आम्दानी ३.८९ रुपैयाँ रहेको छ । प्रतिसेयर सम्पत्ति मूल्य १०३ रुपैयाँ रहेको छ ।
वित्तीय रुपमा निकै कमजोर रहेको हाथ्वेकै सञ्चालक लेभलका अधिकारीहरुले बजारमा नियोजित रुपमा सेयरमूल्य ७००० सम्म पुर्याउने भन्दै चलखेल गरेका भेटिएको छ । यो कम्पनीको उच्च व्यवस्थापनका मानिसहरुले बजारका लगानीकर्ताहरुमा चौथो त्रैमासको निकै राम्रो रिपोर्ट आउने भन्दै सर्टटर्ममा २००० रुपैयाँ माथि पुर्याउने र लङटर्ममा प्रतिकित्ता रु. ७००० सम्म पुर्याउने भन्दै कर्नरिङ गरेको देखिन्छ । बजारमा चौथो त्रैमासको राम्रो रिपोर्ट आउने हल्ला फैलाएर ठूला लगानीकर्ताहरुले नै नियोजित रुपमा यो कम्पनीको सेयर कर्नरिंग गरिरहेका छन् ।
यो कम्पनीले ५० रुपैयाँ दरका २ करोड ५७ लाख ४० हजार कित्ता सेयर बजारमा सूचीकृत गराएको छ । हाल यो कम्पनीको सेयरमूल्य १७०० प्रतिकित्ता नजिक पुगेको छ । यसरी हेर्दा कम्पनीको आईपीओ मूल्यको तुलनामा ३४०० प्रतिशतले मूल्य बढाएर १७०० नजिक पुर्याइएको छ ।
यो कम्पनीको सेयर २०२३ को अक्टोबर ११ देखि दोश्रो बजारमा कारोबार सुरु भएको देखिन्छ । यसरी हेर्दा ९ महिनाको अवधिमा कम्पनीको सेयरमूल्य आईपीओको तुलनामा ३४ गुणाले बढिसकेको छ ।
यो ९ महिनाको अवधिमा सरसर्ती हेर्दा कम्पनीको वित्तीय अवस्थामा भने सेयरमूल्य बढेजस्तो कुनै चमात्कारिक प्रगति भएको छैन । जस्तो, दोश्रो त्रैमाससम्म कम्पनीको वार्षिकीकृत प्रतिसेयर आम्दानी ५१ पैसाले ऋणात्मक थियो । प्रतिसेयर नेटवर्थ ८३.४० रुपैयाँ थियो । दोश्रोभन्दा तेश्रो त्रैमासमा आइपुग्दा प्रतिसेयर नेटवर्थ उल्टो घटेको देखिन्छ ।
यसरी महत्वपूर्ण सूचकमा खासै परिवर्तन नभए पनि खेलाडीहरुले तीव्र चलखेल गरी हाथ्वेको सेयरमूल्य रकेटको गतिमा उडाएका छन् ।
हुन त पछिल्लो समय बढ्दो बजारमा नेगेटिभ नेटवर्थ भएका, न्यून इपीएस भएका कम्पनीहरुमै खेलाडीहरुले खेलोफड्को गरिरहेका छन् । चलखेल गरी यस्ता कम्पनीको मूल्य बढाउने र सर्वसाधारणलाई फसाएर आफू उक्सिने प्रवृति अन्य कमजोर कम्पनीहरुमा पनि देखिएको छ ।
यसरी दोश्रो बजारमा खुलेआम लूटधन्दा भइरहँदा समेत नियामक धितोपत्र बोर्ड मौन रहेको छ । यहाँका अधिकारीहरु अध्यक्ष नभएको बाहाना बनाउँदै कारबाहीको भागिदार बनाउनुपर्ने खेलाडीहरुलाई समेत आर्थिक प्रभावमा परी उन्मुक्ति दिने गरेका छन् ।
.png)
.png)
(116).jpg)
(130).jpg)
.jpg)
.gif)
.gif)
.gif)
