(1).gif)
(2).gif)
.jpg)
.png)
काठमाण्डौ । नेपाल राष्ट्रबैंकले चालु आर्थिक वर्षको मौद्रिक नीतिमार्फत सेयर बजारका लागि गरेको नीतिगत व्यवस्थाहरुको विषयमा भ्रम फैलाइएको छ ।
राष्ट्रबैंकले मौद्रिक नीतिमार्फत सेयर धितो कर्जाको क्याप संस्थागत लगानीकर्ताहरुका लागि खोलेको थियो भने व्यक्तिगतका लागि १५ करोडलाई यथावत राखेको थियो ।
यस्तै, सेयर धितो लगायतका कर्जाहरुको जोखिमभार समेत पुनरावलोकनको घोषणा गरिएको थियो ।
(2).gif)
.gif)
(1).gif)
मौद्रिक नीतिमा आधारित रही हिजो(बुधबार) साँझ केन्द्रीय बैंकले बैंक तथा वित्तीय संस्थाहरुका नाममा सर्कुलर जारी गरेको थियो । सो सर्कुलरमा सेयर धितो कर्जा, जोखिमभार लगायतको विषयमा कुनै पनि व्यवस्था उल्लेख गरिएको छैन । यही विषयलाई बजारका केही खेलाडीहरुले भ्रम फैलाइरहेका पाइएको हो ।
कतिपयले राष्ट्रबैंकले मौद्रिक नीतिमार्फत सेयर धितो कर्जाको विषयमा गरेको व्यवस्थाबाट पछि हटेकोसम्म भ्रम छरिरहेका देखिएको छ ।
तर, राष्ट्रबैंकका अधिकारीहरु भने बजारमा छरिएको भ्रमको पछि नलाग्न आग्रह गरेका छन् । केन्द्रीय बैंकका प्रवक्ता रामु पौडेलले मौद्रिक नीतिमा भएका व्यवस्थाहरु क्रमशः कार्यान्वयन गर्दै लगिने प्रष्ट पारेका छन् । 'घोषित व्यवस्थाबाट राष्ट्रबैंक पछि हट्ने भन्ने कुरै हुँदैन ।' उनले भने- 'हिजो सर्कुलरमार्फत नआएका विषय अर्को सर्कुलरमार्फत पुनः आउने नै छन् ।'
त्यसो त बुधबार प्रकाशित एउटा अन्तर्वार्तामा नेपाल राष्ट्रबैंकका गभर्नर महाप्रसाद अधिकारीले समेत स्पष्ट रुपमा सेयर धितो कर्जामा आफूहरुले गरेको व्यवस्थाको बचाउ गरेका छन् । उनले सो अन्तर्वार्तामा सेयर धितो कर्जामा संस्थागतलाई अधिकतमको क्याप खोलिएको विषयमा सो अन्तर्वार्तामा भनेका छन्–‘संस्थागत लगानीकर्ताको क्याप हटाइएको छ । यो बारम्बार अगाडिबाटै छलफल हुँदै आएका विषय हुन् यी । धेरै सिफारिसहरु आएका हुन् । नियामक धितोपत्र बोर्डले समेत यस बारेमा सुझावहरु दिनुभएको हो । हामीले समयसापेक्ष सुधारहरु गर्दै जानुपर्छ । जोखिमभार १५० बाट १२५ मा झार्यौ । यस्ता सुधारहरु बीच बीचका समीक्षाहरुमा पनि हुँदै आएका हुन् ।’
.gif)
(1).gif)
.png)
.png)
.jpg)
