.gif)
_(1).gif)
.jpg)
.png)
काठमाण्डौ । नेपाल राष्ट्र बैंकले संस्थागत लगानीकर्ताका लागि सेयर धितो कर्जामा २० करोडको सीमा हटाएको छ ।
केन्द्रीय बैंकले आज बैंक तथा वित्तीय संस्थाका लागि एकीकिृत निर्देशन जारी गर्दै मौद्रिक नीतिमा घोषित व्यवस्था कार्यान्वयनमा ल्याएको हो । योसँगै संस्थागत लगानीकर्ताले लिने सेयर धितो कर्जाको सीमा हटेको छ ।
(1).gif)
राष्ट्र बैंकले गत साउन ११ गते चालु आवका लागि मौद्रिक नीति जारी गर्दै संस्थागत लगानीकर्ताका लागि सेयरधितो कर्जाको सीमा हटाएको थियो । जसलाई आज राष्ट्र बैंकले सर्कुलरमार्फत बैंक तथा वित्तीय संस्थालाई कार्यान्वयनका लागि निर्देशन दिएको छ ।
'कुनै एक वा सबै इजाजतपत्रप्राप्त संस्थाहरुबाट शेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा कुल रु. १५ करोड कायम गरिएको छ । तर धितोपत्र बजारमा लगानी गर्ने मुख्य उद्देश्यले स्थापना भएका संस्थागत लगानीकर्ताहरुका लागि मात्र यस्तो सीमा लागु हुनेछैन ।'-सर्कुलरमा भनिएको छ ।
यसअघि संस्थागत लगानीकर्ताका लागि सेयरधितो कर्जाको सीमा २० करोड र व्यक्तिगतका लागि १५ करोड थियो ।
यसअघि केन्द्रीय बैंकले सर्कुलरमार्फत सेयरधितो कर्जाको व्यवस्था कार्यान्वयनमा नल्याएको र त्यसमा उसले अलमल गराएको भन्दै बजारका केही समूहहरुले मौद्रिक नीतिमार्फत घोषित व्यवस्थाको विषयमा भ्रम छर्ने कोशिश गरेका थिए ।
कतिपय स्वार्थ समूहहरुले मिडियाहरु नै प्रयोग गरेर सेयरधितो कर्जामा संस्थागतको क्याप हटेको विषय सर्कुलरमा नआउने भन्दै बजार घटाउने प्रयास गरेका थिए ।
आजको सर्कुलरसँगै निश्चित समूहको सेयर बजारमा खेल्ने र नेप्से परिसूचक घटाउने प्रयास स्वतः असफल भएको छ ।
यस्तै, संस्थागत सेयरधितो कर्जाको सीमा हटाइएको व्यवस्था कार्यान्वयन सर्कुलरपछि मात्र हुने भएकोले बजारमा अब लगानी अझ बढ्नसक्ने देखिन्छ । संस्थागत लगानीकर्ताले खुलेरै सेयरधितो कर्जा लिने अवस्था कार्यान्वयन आएसँगै त्यस्तो कर्जा लिने र त्यो रकम समेत सेयर बजारमा भित्रिएपछि कतिपयले दाबी गर्दै आएजस्तो दैनिक कारोबार ५० अर्ब नजिक पुग्नसक्ने समेत देखिन्छ ।
.gif)
.png)
(1).jpg)
.jpg)
.gif)
(1).gif)
.gif)
