.gif)
(1).gif)
(1).jpg)
_(1).gif)
.png)
काठमाण्डौ । मर्जरमा गएको नेरुडे मिर्मिरे लघुवित्त वित्तीय संस्था लिमिटेडले गत आवको चौथो त्रैमाससम्म ४४ करोड ७० लाख रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा ६७२.०३ प्रतिशतले धेरै हो । अघिल्लो आवको सोही अवधिसम्म भने संस्थाले ५ करोड ७८ लाख रुपैयाँ खुद नाफा कमाएको थियो ।
संस्थाको खुद ब्याज आम्दानीमा पनि वृद्धि भएको छ । खुद ब्याज आम्दानी १३८.१२ प्रतिशतले बढ्दै १ अर्ब ३ करोड ८८ लाख रुपैयाँ पुगेको छ । अघिल्लो आवको समीक्षा अवधिसम्म संस्थाले ४३ करोड ६२ लाख रुपैयाँ खुद ब्याज आम्दानी गरेको थियो । चौथो त्रैमाससम्म संस्थाको वितरणयोग्य मुनाफा ५ करोड २९ लाख रुपैयाँ रहेको छ । यस्तै लाभांश क्षमता ३.७८ प्रतिशत पुगेको छ ।
संस्थाले कर्मचारीका लागि ५१ करोड ६१ लाख र अन्य सञ्चालनका लागि १६ करोड २ लाख रुपैयाँ खर्च गरेको छ ।
यो अवधिसम्म संस्थाको निक्षेप संकलन बढेको छ । अघिल्लो आवसम्म ३ अर्ब ४६ करोड निक्षेप संकलन गरेको संस्थाले समीक्षा अवधिसम्म भने ६ अर्ब १४ करोड रुपैयाँबराबरको निक्षेप संकलन गर्न सफल भएको छ ।
संस्थाको कर्जा प्रवाह पनि बढेको छ । संस्थाले २० अर्ब १४ करोड रुपैयाँबराबरको कर्जा प्रवाह गरेको छ । अघिल्लो आवको चौथो त्रैमाससम्म संस्थाले १० अर्ब ५ करोड रुपैयाँबराबरको कर्जा प्रवाह गरेको थियो ।
संस्थाको खराब कर्जा अनुपात बढेको छ । संस्थाको खराब कर्जा अनुपात ६.६० प्रतिशत कायम भएको छ । अघिल्लो आवमा संस्थाको खराब कर्जा अनुपात ५.०५ प्रतिशत कायम थियो ।
समीक्षा अवधिसम्म संस्थाको प्रतिसेयर आम्दानी(ईपीएस) ७.९१ रुपैयाँबाट बढेर ६२.४८ रुपैयाँको उचाईमा पुगेको छ । यस्तै संस्थाको प्रतिसेयर नेटवर्थ १९४.३९ रुपैयाँ,मूल्य आम्दानी अनुपात ११.५३ गुणा ,प्रतिसेयर कुल सम्पत्तिको मूल्य १ हजार ५३७.४८ रुपैयाँ र तरलता अनुपात १२.६९ प्रतिशत कायम भएको छ ।
.gif)
.png)
(155).jpg)
(41).jpg)
.jpg)
(151).jpg)
.gif)
.gif)
