.gif)
_(1).gif)
.png)
काठमाण्डौ । निर्धन उत्थान लघुवित्त वित्तीय संस्था लिमिटेडले आफ्नो वित्तीय अवस्थामा सुधार गरेको छ । संस्थाले गत आवको चौथो त्रैमाससम्म अधिकांश सूचकमा राम्रो प्रगति गरेको छ ।
संस्थाले गत आवको चौथो त्रैमाससम्म ५० करोड ६४ लाख रुपैयाँ खुद नाफा आर्जन गरेको छ । जुन अघिल्लो आवको सोही अवधिको तुलनामा १७९.९९ प्रतिशतले धेरै हो । अघिल्लो आवको सोही अवधिसम्म संस्थाले १६ करोड ९९ लाख रुपैयाँ नाफा कमाएको थियो ।
यो अवधिमा संस्थाको खुद ब्याज आम्दानी भने ७.८१ प्रतिशतले घटेको छ । चौथो त्रैमाससम्म संस्थाले १ अर्ब ८० करोड रुपैयाँ खुद ब्याज आम्दानी गरेको छ । संस्थाको कुल सञ्चालन आम्दानी २ अर्ब २३ करोड र सञ्चालन मुनाफा ७१ करोड ७८ लाख रुपैयाँ रहेको छ ।
(1).gif)
यस्तै संस्थाको वितरणयोग्य मुनाफा ३ करोड ७५ लाख रुपैयाँ रहेको छ । चुक्तापूँजी २ अर्ब ६१ करोड रुपैयाँ रहेको संस्थाको रिटेन्ड अर्निङ १४ करोड ८९ लाख रुपैयाँ रहेको छ । संस्थाको रिजर्भ २ अर्ब ४२ करोड रुपैयाँ रहेको छ ।
यो अवधिसम्ममा २० अर्ब १८ करोड रुपैयाँबराबरको निक्षेप संकलन गरेको संस्थाले २३ अर्ब ९३ करोड रुपैयाँबराबरको कर्जा प्रवाह गरेको छ ।
संस्थाको खराब कर्जा अनुपात बढेको छ । अघिल्लो आवको चौथो त्रैमाससम्म ९.८७ प्रतिशत रहेको खराब कर्जा अनुपात बढेर १०.६० प्रतिशत पुगेको छ । संस्थाले इम्पेयरमेन्ट चार्जका लागि ४३ करोड ६ लाख रुपैयाँ छुट्टाएको छ ।
समीक्षा अवधिसम्म संस्थाको प्रतिसेयर आम्दानी(ईपीएस)मा उल्लेख्य वृद्धि भएको छ । ईपीएस ६.५१ रुपैयाँबाट बढेर १९.३९ रुपैयाँ पुगेको छ ।
यस्तै संस्थाको प्रतिसेयर नेटवर्थ १९८.६१ रुपैयाँ, प्रतिसेयर कुल सम्पत्तिको मूल्य १ हजार ९० रुपैयाँ, मूल्य आम्दानी अनुपात ३६.७२ गुणा र तरलता अनुपात १४.१५ प्रतिशत कायम भएको छ ।
.gif)
.png)
.jpg)
.png)
.gif)
.gif)
