.gif)
.gif)
.png)
काठमाण्डौ । घट्नै लागेको बजारलाई समेत रोक्ने र कारोबारको अन्तिम समयमा बढाउन मद्दत गरिरहेको फाइनान्स समूहका सेयरहरुमा लगानीकर्ताहरु क्रमशः सर्न थालेका छन् । केही हप्ताअघिसम्म पनि फाइनान्सतर्फ फर्किएर समेत हेर्न नमान्ने मै हुँ भन्ने खेलाडीहरु पनि इजी मनीको पछि लागेर यही सेक्टरका कम्पनीलाई आफ्नो रोजाई बनाउँदै आक्रामक खरिदारीमा उत्रिएका छन् । यहीकारण पछिल्लो समय बजारमा फाइनान्स उपसमूहको चर्चा चुलिएको छ ।
यो साताको दोश्रो कारोबार दिन बुधबारको बजारको कुरा गर्दा समेत फाइनान्स नै अगाडि देखिएको छ । बाँकी अधिकांश उपसमूहका सूचकहरु घट्दा वा झिनो मात्र बढ्दा फाइनान्समा भने उछाल देखियो । दोश्रो बजारमा सूचीकृत १५ वटा फाइनान्स कम्पनीमध्ये सबैको सेयरमूल्य बढ्यो । यहीकारण फाइनान्स उपसमूहको सूचक करिब ५ प्रतिशतले बढ्न पुग्यो ।
बुधबार दिनभर उतारचढाव व्यहोरेको बजारलाई अन्तिम समयमा झिनो अंकले नै भए पनि सकारात्मक बनाउने काममा समेत फाइनान्सका लगानीकर्ताहरुको विशेष देन रह्यो । प्रत्येक दिन र प्रत्येक साताको बजारको गति र प्रवृति हेर्दा, फाइनान्स समूहतर्फ लगानीकर्ताको आकर्षण बढ्दै गएको र लो क्यापका कम्पनी यो समूहमा रहेका कारण छोटो अवधिमै राम्रो पैसा बनाउन सकिने सम्भावना देखेपछि यो पटकको बुल मार्केटको परिदृश्यहरु केही फरक हुने सहजै आँकलन गर्न सकिन्छ ।
बैंकिङ समूहले विस्तारै गति लिँदै गर्दा फाइनान्स सेक्टरले भने नेप्सेमा अलटाईम हाईको विन्दू ब्रेक गरिसकेको छ । यो क्षेत्रले साउन १३ गते नै यसअघिको उच्चविन्दु ३३४५ लाई ब्रेक गरिसकेको थियो । तर यो सेक्टरको सूचक यत्तिमै मात्र रोकिएन । अहिले त अझ बढेर करिब ४ हजार नजिक पुगिसकेको छ । कतिपयले फाइनान्समा देखिएको चमक र लगानीकर्ताको अभूतपूर्व आकर्षणलाई आधार बनाएर यो उपसमूहको सूचकले यसपटकको बुलमा १० हजार विन्दू पार गर्ने दाबी समेत गर्न थालेका छन् । तर, प्राविधिक रुपमा हेर्दा चाहिँ ५००० विन्दू चाँडै र सहजै ब्रेक गर्नसक्ने देखिन्छ ।
आखिर वित्तीय अवस्था खासै सन्तोषजनक नभएका फाइनान्सहरुमै किन यसरी दैनिक चमक आइरहेको छ ? के कारणले फाइनान्स समूहमा आबद्ध कमजोर कम्पनीमा लगानीकर्ता निस्फिक्री पैसा खन्याइरहेका छन् त ?
बजार जनकार अजयसिंह थापा(जय शम्भु) भन्छन् ः यसरी यस क्षेत्रमा चमक आउनुको मुख्य कारण भनेको नै लो क्याप हुनु हो । लो क्यापमा टार्गेट राख्न सजिलो हुने गर्छ । घट्दा कम घट्ने र बढ्दा बढी बढ्ने भएको कारण नै पनि यस्ता कम्पनीमा आकर्षण बढेको हो ।
उनको विचारमा प्राविधिक रुपमा इलिअट वेभमार्फत हेर्दा पनि फाइनान्स सेक्टरमा अहिले तेस्रो वेभ चलेको छ । ‘धेरैजस्तो फाइनान्स समूहको सेयरमूल्य तेस्रो वेभमा छ । त्यसैले अहिले तीव्र रुपमा बढिरहेको छ ।’ उनले भने–‘केही समय अझै बढ्छ र चौथो वेभको करेक्सन आउँछ । त्यसपछि पाँचौ वेभको बढोत्तरीमा त फाइनान्स समूूहमा बबल नै आउँछ ।’
अहिले फाइनान्स समूहमा १५ वटा कम्पनी सूचीकृत छन् । बुधबारको दोश्रो बजार अन्तिम कारोबार मूल्यका आधारमा यस समूहमा सबैभन्दा सस्तो कम्पनी(बढ्न बाँकी कम्पनी)को रुपमा बेष्ट फाइनान्स र गुहेश्वरी मर्चेन्ट देखिएका छन् । यी दुवै कम्पनीको सेयरमूल्य ७०० रुपैयाँ हाराहारीमा रहेको छ । सबैभन्दा उच्च मूल्य नेपाल फाइनान्सको १९७० रुपैयाँ रहेको छ । पछिल्लोपटक फाइनान्स सेक्टरमा एकैदिन तीन अर्बभन्दा बढीले कारोबार आएको छ । आज भने यो क्षेत्रमा २ अर्ब २२ करोडको करोबार भयो ।
अर्का बजार जानकार टेकेन्द्र थपलियाको विचारमा फाइनान्स क्षेत्रमा चमक आउनु पछाडिको मुख्य कारण लो क्यापका कम्पनी हुनु र खेलाडीको रोजाई बन्नु हो । ‘यस्ता कम्पनी बजारका खेलाडीले चलाएका हुन्छन् । यस्ता कम्पनीका लगानी गर्दा सामान्य लगानीकर्ताले सजगता अपनाउनुपर्छ ।’–उनले थपे।
.png)
(1).jpg)
.jpg)
.jpg)
.gif)
