.gif)
(2).gif)
.jpg)
_(1).gif)
.png)
काठमाण्डौ । गुजरात भारतको शीर्ष व्यापारीक गन्तव्यमध्ये एक हो । यो राज्यले भारतलाई कयौं ठूला उद्योगपतिहरु दिएको छ । यति मात्रै होइन, यो राज्यमा एशियाकै धनी गाउँ समेत रहेको छ ।
गुजरातमा रहेको मधापर गाउँलाई एशियाकै धनी गाउँ भनेर चिनिन्छ । यो गाउँमा बसोवास गर्ने मानिसहरुसँग ७ हजार करोड भारुबराबरको मुद्दती निक्षेप रहेको छ । जसबाट पनि थाहा पाउन सकिन्छ कि यो गाउँ कति धनी छ भनेर ।
भारतीय मिडियाहरुका अनुसार यो गाउँमा अधिकांश पटेल समूदायका मानिसहरु बस्ने गर्छन् । यहाँको जनसंख्या करिब ३२ हजार रहेको छ । यो गाउँमा १७ वटा बैंक रहेका छन् । जसमा एचडीएफसी बैंक,एसबीआई बैंक,पीएनबी बैंक,एक्सिस बैंक,आईसीआईसीआई बैंक र यूनियन बैंक जस्ता निजी र सरकारी बैंक रहेका छन् । यसका साथै अन्य बैंकहरुले समेत यहाँ आफ्नो शाखा कार्यालय स्थापना गर्ने योजना बनाईरहेका छन् ।
.gif)
यो गाउँ धनी हुनुको राज भनेको विदेशमा बसोबास गरिरहेका यहाँका नागरिकहरु हुन् । विदेशमा बसोवास गरिरहेका यहाँका मानिसहरुले बैंकमा प्रत्येक महिना करडौं रुपैयाँ जम्मा गर्ने गर्छन् । यहाँ करिब २० हजार घर छन् । तर १२ सय परिवार विदेशमा बसोवास गर्छन् । यहाँका अधिकांश मानिसहरु अफ्रिकी देशमा छन् ।
मध्य अफ्रिकाको निर्माण क्षेत्रमा गुजरातीहरुको पकड रहेको छ । यो गाउँका मानिसहरु बेलायत, अष्ट्रेलिया,अमेरिका र न्य्रजिल्याण्ड जस्ता देशमा समेत छन् । विदेशमा बसे पनि यहाँका मानिसहरु आफ्नो जन्मभूमिप्रति निकै जोडिएका छन् । उनीहरु विदेशमा बसेपनि आफ्नै क्षेत्रको बैंकहरुमा लगानी गर्ने र पैसा जम्मा गर्ने गर्छन् ।
यो गाउँको पूर्वाधार र सार्वजनिक सुविधाका क्षेत्रहरु विकसीत अवस्थामा रहेका छन् ।
.png)
.jpg)
.jpg)
.jpg)
(1).gif)
.gif)
