.gif)
.gif)
.png)
काठमाण्डौ । विभिन्न सहकारीको रकम अपचलन प्रकरणमा संसदीय छानबिन समितिबाट दोषी देखिई कारबाहीको सिफारिसमा परेका रास्वपाका सभापति तथा पूर्व गृहमन्त्री रवि लामिछानेलाइ पक्राउ गर्न कास्की जिल्ला अदालतले अनुमति दिएको छ ।
जिल्ला प्रहरी कार्यालय कास्कीलाई अदालतले रवि लामिछानेलाई पक्राउ गर्न अनुमति दिएको हो ।
आइतबार जिल्ला प्रहरी कार्यालय कास्कीले दिएको निवेदनमा जिल्ला अदालतका न्यायाधीश कृष्णजंग शाहको एकल इजलासले पक्राउको अनुमति दिएका हुन् ।
अदालतको आदेश नै आइसकेपछि प्रहरीले लामिछानेलाई चाँडै पक्राउ गर्ने बताइएको छ ।
रास्वपाका सभापति रवि लामिछानेले चाहिँ आइतबार नै पक्राउ पर्ने डरले उपत्यकामा उपलब्ध नेता तथा कार्यकर्तालाई वनस्थलीस्थित केन्द्रीय कार्यालय बोलाएका छन् । अहिले कार्यालयमा ठूलो संख्यामा भीड जम्मा भएको छ ।
ठूलो संख्यामा सुरक्षाकर्मी समेत परिचालन गरिएको छ ।
तर, प्रहरी उच्च स्रोतले भने लामिछाने आइतबार नै पक्राउ नपर्नसक्ने समेत सम्भावना व्यक्त गरेको छ । 'आज कुनै कारणवश पक्राउ गरिएन भने पनि अदालतको आदेश आइसकेका कारण चाँडै पक्राउ गरिनेछ ।' एक उच्च प्रहरी अधिकृतले भने-'गोर्खा मिडिया नेटवर्कका सञ्चालक छविलाल जोशी पक्राउ परिसकेका छन् । उनको बयानसम्म कुर्ने हो कि भन्ने पनि कुरा आएको छ ।'
.png)
.jpg)
.png)
.gif)
