अरुण काबेली पावरले डाक्यो एजीएम, हकप्रदबाट उठेको रकम सेयरमा लगानी गर्ने मुख्य प्रस्ताव

काठमाण्डौ । अरुण काबेली पावरले चौधौं वार्षिक साधारण सभा आह्वान गरेको छ । कम्पनीको आज बसेको सञ्चालक समितिको बैठकले साधारण सभा कात्तिक ४ गते होटल क्रिष्टल पशुपती गौशाला काठमाण्डौंमा बिहान ११ बजे बस्ने निर्णय गरेको हो ।  

सभामा अरुण काबेली पावरले १ः१ अनुपातमा हकप्रद सेयर निष्कासन गरी संकलन गरेको रकम मध्येबाट काबेली इनर्जी लिमिटेड कम्पनीले निर्माण गरिरहेको काबेली–ए जलविद्युत आयोजनाको सेयरमा लगानी गर्ने प्रस्ताव पेश हुनेछ ।  

साथै काबेली इनर्जी लिमिटेडले निर्माण गरिरहेको काबेली–ए जलविद्युत आयोजना (३८७.६ मेगावाट) मा कर्जा लगानी गर्ने कुमारी बैंकलाई यस कम्पनीबाट प्रदान गरिएको संस्थागत जमानत अनुमोदन गर्नेछ ।  

त्यस्तै, कम्पनीको नाममा रहेका पुराना गाडी÷मोटरसाईकल÷स्क्र्यापहरु बिक्री गर्ने, गत आर्थिक वर्षको वार्षिक प्रतिवदेन पारित गर्ने र सोही आवको वासलात, नाफा नोक्सान हिसाब र नगद प्रवाह विवरण लगायतका वित्तीय विवरणहरु छलफल गरी पारित गर्ने सभाको एजेण्डा रहेको छ ।  

आव २०८१/८२ का लागि लेखापरिक्षकको नियुक्ति तथा निजको पारिश्रमिक निर्धारण गर्ने पनि सभाको एजेण्डा रहेको छ ।  

कम्पनीले साधारण सभा प्रयोजनार्थ असोज १८ गते एक दिनका लागि बुकक्लोजको मिति तोकेको छ । यसर्थ असोज १७ गतेसम्म कायम सेयरधनीहरुले मात्रै सभामा सहभागी जनाउन पाउनेछन् ।