उड्दा उड्दै पाइलटको मृत्युपछि यात्रुबाहक विमानको न्यूयोर्कमा आपतकालीन अवतरण

काठमाण्डौ  उडानकै क्रममा पाइलटको मृत्यु भएपछि यात्रुवाहक विमानलाई न्यूयोर्कमा आपतकालीन अवतरण गराइएको छ।

टर्की एयरलाइन्सको एयरबस ३५० ले मंगलबार साँझ सिएटलबाट उडान भरेको थियो र इस्तानबुल जाँदै गर्दा अलार्म बज्यो।

५९ वर्षीय  इलेहिन पेहलिवान नाम गरेका पाइलटले सन् २००७ देखि एयरलाइनमा काम गर्दै आएका थिए र मार्चमा मेडिकल परीक्षा पास गरेका थिए।

एयरलाइन्सका एक प्रवक्तालाई उद्धृत गर्दै सीबीएसले भनेको छ-'प्राथमिक सहायता दिन असफल प्रयास पछि, अर्को पाइलट र एक सहपाइलटको उडान चालक दलले आपतकालीन अवतरण गर्ने निर्णय गरे, तर अवतरणअघि नै उनको मृत्यु भयो।'

'हामी हाम्रा कप्तानमा भगवानको कृपा र उहाँको शोकमा परेको परिवार, उहाँका सबै सहकर्मी र प्रियजनहरूमा धैर्यताको कामना गर्दछौं।' एयरलाइन्सका प्रवक्ता याह्या उस्तुनले एक्समा लेखेका छन् कि उडानको क्रममा टिके २०४ कल साइन भएको विमानको पाइलटले उड्दा उड्दै देह त्याग गरे, जुन अनौठो र दुर्लभ घटना थियो । 

पाइलटले २००७ देखि टर्की एयरलाइन्सको लागि काम गरेका थिए र मार्चमा एक चिकित्सा परीक्षा पास गरेका थिए, जसले कुनै स्वास्थ्य समस्याको कुनै संकेत दिएको थिएन, उस्टुनले लेखे।

उडान ट्र्याकरहरूले मंगलबार साँझ जेटको बाटो देखाउँछन् जुन यो अचानक जेएफके अन्तर्राष्ट्रिय विमानस्थलमा मोडियो।

एयरलाइन्सका अनुसार विमान सुरक्षित रूपमा न्यूयोर्कमा अवतरण भयो, यात्रुहरूले जेएफकेमार्फत टर्कीको यात्रा जारी राखेका थिए ।

-एजेन्सीबाट