दुई बैंकले अघि बढाए ऋणपत्र निष्कासनको प्रक्रिया, सेबोनमा दिए आवेदन

काठमाण्डौ । दईवटा वाणिज्य बैंकले ऋणपत्र निष्कासनको प्रक्रिया अघि बढाएका छन् । एनआईसी एशिया बैंक र साइन रेसुङ्गा डेभलपमेन्ट बैंकले ऋणपत्र निष्कासको अनुमति माग गर्दै नेपाल धितोपत्र बोर्ड(सेबोन(मा आवेदन दिएका हुन्।  

एनआईसी एशिया बैंकले १ हजार अंकित दरका ५ अर्ब रुपैयाँबराबरको ५० लाख कित्ता भएको ‘एनआईसी एशिया डिबेञ्चर २०९१’  नामक ऋणपत्र निष्कासनको अनुमति माग गर्दै असोज ७ गते आवेदन दिएको हो ।  

कुल निष्कासमध्ये ३० लाख कित्ता व्यक्तिगत तवरबाट र बाँकी २० लाख कित्ता (सामुहिक लगानी कोषका लागि सुरक्षित गरिएको समेत) सर्वसाधारणमा सार्वजनिक निष्कासन गरिनेछ ।  

बैंकको ऋणपत्र निष्कासन तथा बिक्री प्रबन्धकको रुपमा प्रभु क्यापिटल लिमिटेड रहेको छ ।  

यस्तै साइन रेसुङ्गा डेभलपमेन्ट बैंकले १ अर्ब रुपैयाँबराबरको १० लाख कित्ता भएको ऋणपत्र निष्कासनका लागि असोज १४ गते सेबोनमा आवेदन दिएको छ । कम्पनीको ऋणपत्र निष्कासन तथा बिक्री प्रबन्धकमा एनआईएमबी एस क्यापिटल लिमिटेड रहेको छ ।