लाभांश पारित गर्न सुन्धारा सेक्युरिटिजले डाक्यो साधारण सभा

काठमाण्डौ । सुन्धारा सेक्युरिटिज लिमिटेडले आफ्नो १७ औं वार्षिक साधारण सभा आगामी कात्तिक ३० गते आयोजना गर्ने भएको छ । कम्पनीको कात्तिक ४ गते बसेको सञ्चालक समितिको बैठकले काठमाण्डौको बागदरबारमा रहेको कम्पनीको रजिष्टर्ड कार्यालयमा दिनको ४ बजेदेखि सभा आयोजना गर्ने निर्णय गरेको हो ।  

कम्पनीको सञ्चालक समितिबाट प्रस्तावित हाल कायम चुक्तापूँजीको ११ प्रतिशत नगद लाभांश(कर प्रयोजन समेत)वितरणको विशेष प्रस्ताव उक्त सभाबाट पारित गरिनेछ ।  

सभामा सञ्चालक समितिको तर्फबाट अध्यक्षले पेश गर्ने आव २०८०/८१ को वार्षिक प्रतिवेदनमाथि छलफल गरी पारित गर्ने, लेखा परिक्षकको प्रतिवेदनसहितको २०८१ असार मसान्तको वित्तीय अवस्थाको विवरण तथा  गत आवको नाफा नोक्सानी हिसाब विवरण तथा नगद प्रवाह विवरण लगायतका वित्तीय विवरणहरु उपर छलफल गर्ने तथा पारित गर्ने र आव २०८१/८२ को लागि लेखा परीक्षकको नियुक्ती र निजको पारिश्रमिक निर्धारण गर्ने प्रस्ताव पािरत गरिनेछ ।  

यसैगरी कम्पनीका आगामी कार्यकालको लागि सञ्चालक समितिको सदस्यहरुको चयन गर्ने र साधारण सभाको माइन्युटमा हस्ताक्षर गर्न दुई जना सेयरधनीको प्रतिनिधि चयन गर्ने प्रस्ताव समेत पारित हुनेछ ।