सुनको मूल्यमा व्यापक वृद्धि, प्रतिऔंस कति पुग्यो भाउ ?

काठमाण्डौ । अन्तराष्ट्रिय बजारमा आज सुनको मूल्य व्यापक बढेको छ । अमेरिकी डलरको वृद्धिमा लागेको ब्रेक र रुस–युक्रेन बिबादका कारण सुनको मूल्य पुनःउकालो लागेको हो ।  

यो समाचार तयार पार्दासम्म सुनको मूल्य २.३५ प्रतिशत अर्थात ६०.३९ डलरले बढेको छ । यो वृद्धिसँगै अन्तराष्ट्रिय बजारमा सुनको मूल्य प्रतिऔंस २ हजार ६२४ डलरमा कारोबार भईरहेको छ ।  

यस्तै आज चाँदीको मूल्यमा पनि उछाल आएको छ । चाँदीको मूल्य ३.८१ प्रतिशत अर्थात १.१५ डलरले बढेको छ । चाँदीको मूल्य यतिेबला प्रतिऔंस ३१.४१ डलरमा कारोबार भईरहेको छ ।  

नेपाली बजारमा भने सुनको मूल्य प्रतितोला १ लाख ६१ हजार रुपैयाँमा कारोबार भईरहेको छ ।