नेपाल एयरलाइन्सले घटायो अन्तर्राष्ट्रिय उडानको भाडादर

काठमाण्डौ । राष्ट्रिय ध्वजावाहक नेपाल वायुसेवा निगम(नेपाल एयरलाइन्स)ले अन्तर्राष्ट्रिय उडानको हवाई भाडादर घटाएको छ। निगमले न्यूनतम २ हजार ५ सयदेखि अधिकतम ५ हजार रुपैयाँसम्म छुटको घोषणा गरेको हो।

संस्कृति पर्यटन तथा नागरिक उड्डयनमन्त्री बद्री पाण्डेले बुधबार अन्तर्राष्ट्रिय उडानको भाडादर पुनर्विचार गर्न निर्देशन दिएका थिए। सोही अनुरुप निगमले भाडादर घटाएको हो । 

यस्तै, उनले अन्तर्राष्ट्रिय उडान गर्ने हवाई कम्पनीहरूलाई २४ घण्टाभित्र हवाई भाडादर उपलब्ध गराउन निर्देशन दिएका थिए।

निगमले भारतको नयाँदिल्ली, मुम्बई र बैंगलोर, युनाइटेड अरब इमिरेट्स ९यूएई० को दुबई, साउदी अरबको दमाम, मलेसियाको क्वालालम्पुर, हङकङ, थाइल्यान्डको बैंकक र जापानको नारिता उडानको भाडादर कम गरेको छ ।  

नेपाल एयरलाइन्सले दिल्ली, मुम्बई र बैंगलोरमा प्रतिटिकट २ हजार ५ सय तथा दोहो, दुबई, दमाम, क्वालालम्पुर, हङकङ, बैंकक र नारिताका लागि प्रतिटिकट ५ हजार रुपैयाँले भाडादर घटाएको छ ।