लाभांश पारित गर्ने मुख्य उद्देश्यसहित नेपाल एसबिआई बैंकले डाक्यो एजीएम

काठमाण्डौ । नेपाल एसबिआई बैंक लिमिटेडले लाभांशको अजेण्डा पारित गर्ने मुख्य उद्देश्यसहित साधारण सभा डाकेको छ । मंसिर १८ गते बसेको कम्पनीको ५२१ औँ बैठकले ३१ औं साधारण सभाको मिति तय गरेको हो ।  

बैठकले आगामी पुस २१ गते काठमाण्डौको भद्रकालीम रहेको त्रिभुवन आर्मी अफिसर्स क्लबमा बिहान ११ बजेदेखि सभा आयोजना गर्ने निर्णय गरेको छ । उक्त सभाले गत आवको मुनाफाबाट सेयरधनीहरुलाई प्रस्तावित कुल १०.६५ प्रतिशत लाभांशको प्रस्ताव पारित गरिनेछ । कुल लाभांशमा ६।८५ प्रतिशत नगद र ३.८० प्रतिशत बोनस सेयर रहेको छ ।  

यस्तै, संस्थागत सामाजिक उत्तरदायित्व वहन गर्ने क्रममा विभिन्न संस्थागत सामाजिक उत्तरदायित्व कार्यक्रम सञ्चालन गर्न गरिएको खर्च ८८ लाख ८७ हजार १५३ रुपैयाँ कम्पनी ऐनले निर्धारण गरेको सीमाभन्दा बढी भएको हुँदा सो खर्च अनुमोदन गर्ने ,सञ्चालकहरूलाई दिइने बैठक भत्ता तथा स्थानीय सञ्चालकहरुलाई प्रदान गरिने पत्रपत्रिका तथा समाचार सामग्री वापतको मासिक खर्च वृद्धि गर्न बैंकको नियमावलीको संशोधन गर्ने सम्बन्धी प्रस्ताव पारित गर्ने र बैंकले अन्य उपयुक्त बैंक तथा वित्तीय संस्थाहरु गाभ्ने÷गाभिने (मर्जर) वा प्राप्ति (एक्विजिसन) गर्न आवश्यक सहमति र सम्झौता गर्ने लगायत सम्बन्धमा सम्पूर्ण आवश्यक कार्यहरु गर्ने÷गराउने अख्तियारी सञ्चालक समितिलाई प्रत्यायोजन गर्ने विशेष प्रस्ताव पारित गरिनेछन् ।  

सभामा आव २०८०/८१ का लागि सञ्चालक समितिको प्रतिवेदनमाथि छलफल गरी पारित गर्ने, लेखापरीक्षकको प्रतिवेदनसहितको आव २०८०/८१ को वार्षिक आर्थिक विवरण र सोही अवधिको नगदप्रवाह विवरणलगायत वार्षिक आर्थिक विवरणसँग सम्बन्धित अनुसूचीहरु छलफल गरी पारित गर्ने, बैंकको सहायक कम्पनी ‘नेपाल एसबिआई मर्चेण्ट बैंकिङ्गको आव २०८०/८१ को वित्तीय विवरण सहितको एकीकृत वित्तीय विवरण छलफल गरी स्वीकृत गर्ने र बैंकको लेखापरीक्षण समितिले सिफारिस गरे अनुसार आव २०८१/८२ को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव समेत पारित गरिनेछ ।  

साधारण सभा तथा लाभांश वितरण प्रयोजनका लागि बैंकले पुस ७ गते एक दिनका लागि बुक क्लोज गर्ने निर्णय गरेको छ । यसर्थ पुस ६ गतेसम्म नेप्सेमा कारोबार भई कायम भएका सेयरधनीहरु मात्रै प्रस्तावित लाभांश पाउन र सभामा सहभागी हुन योग्य हुनेछन् ।