बझाङ विमानस्थलमा ५ महिनापछि पुनः उडान सुरु
काठमाण्डौ । बझाङ विमानस्थलमा पुनः उडान सुरु भएको छ । विगत ५ महिनादेखि उडान बन्द रहेको बझाङको देवल विमानस्थलमा आजदेखि पुनः उडान सुचार भएको हो । आज समिट एयरको जहाजले विमानस्थालमा ५ महिनापछि उडान गरेको छ। समिट एयरको विमान सोमबार दिउँसो साढे १२ बजे अवतरण भएको हो । कम्पनीले गत चैतदेखि उडान रोकेको थियो । त्यसअघि दुई वर्षदेखि कम्पनीले सातामा २ दिन उडान गर्दै आएको थियो ।
