नेप्सेमा यी ४ कम्पनीको सेयरमूल्य समायोजन, प्रतिकित्ता कति ?

काठमाण्डौ । नेपाल स्टक एक्सचेञ्ज(नेप्से)मा सूचीकृत ४ वटा कम्पनीको सेयरमूल्य समायोजन भएको छ । यी कम्पनीले आफ्ना सेयरधनीहरुलाई प्रस्ताव गरेको बोनस सेयरका लागि नेप्सेले सेयरमूल्य समायोजन गरेको हो ।  

नेप्सेमा कुथेली बुखरी स्मल हाइड्रो, आरएसडिसी लघुवित्त,माउन्टेन इनर्जी,र मिथिला लघुवित्तको सेयरमूल्य समायोजन भएको हो ।  

कुथेली बुखरी स्मल हाइड्रोपावरले प्रस्ताव गरेको १० प्रतिशत बोनस सेयरका लागि सेयरमूल्य समायोजन भएको छ। समायोजनपश्चात  कम्पनीको सेयरमूल्य प्रतिकित्ता २ हजार ४६२.७३ रुपैयाँ कायम भएको छ ।  

समायोजन अघि कम्पनीको सेयरमूल्य प्रतिकित्ता २ हजार ७०९ रुपैयाँ कायम थियो ।  

त्यस्तै आरएसडिसी लघुवित्तको ९.५० प्रतिशत बोनस सेयरका लागि सेयरमूल्य समायोजन भएको छ । समायोजनपश्चात कम्पनीको सेयरमूल्य प्रतिकित्ता ६७३.०६ रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता ७३७ रुपैयाँ कायम थियो । 

माउन्टेन इनर्जी नेपालको १५ प्रतिशत र मिथिला लघुवित्तको १४.२५ प्रतिशत बोनस सेयरका लागि क्रमशः६३३.२२ रुपैयाँ र १ हजार ५०७.२२ रुपैयाँ कायम भएको छ ।    

आगामी कारोबारदेखि नयाँ समायोजित मूल्य अनुसार यी  कम्पनीको सेयरमूल्य कारोबारमा आउनेछ ।