१०% लाभांशसहित कालिका लघुवित्तको साधारण सभा सम्पन्न, अध्यक्षमा पुनःक्षेत्री चयन

काठमाण्डौ । कास्की जिल्लाको पोखरामा केन्द्रीय कार्यालय रहेको राष्ट्रियस्तरको कार्यक्षेत्र भएको कालिका लघुवित्त वित्तीय संस्थाको १५ औं वार्षिक साधारण सभा सम्पन्न भएको छ । संस्थाको सञ्चालक समिति अध्यक्ष चन्द्र बहादुर क्षेत्रीको अध्यक्षतामा होटल टास्क इन्टरनेश्नल प्रालि पोखराको सभाहलमा पुस २९ गते सोमवार वार्षिक साधारण सभा सम्पन्न भएको हो ।  

उक्त साधारण सभाले अध्यक्षद्धारा प्रस्तुत आव २०८०/०८१ को सञ्चालक समितिको वार्षिक प्रतिवेदन तथा विभिन्न प्रस्तावहरु सहित आव २०८०/०८१ को ०.५ प्रतिशत कर प्रयोजनको लागि नगद लाभांश र ९.५ प्रतिशत बोनस सेयर पारित गरेको छ ।  

यस पश्चात संस्थाको हालको चुक्तापूँजी वृद्धि भई ४० करोड ७६ लाख ९२ हजार ३ सय ४ पैसा ७६ पुगेको छ ।

साथै,उक्त साधारण सभामा सर्वसम्मत रुपमा नयाँ सञ्चालक समितिको समेत चयन भएको छ । नयाँ सञ्चालक समितिमा संस्थापक समूहको तर्फबाट चन्द्र बहादुर क्षेत्री, चन्द्र बहादुर बस्नेत, रमाकुमारी शर्मा रगणेश पौडेल तथा सर्बसाधारण सेयरधनीहरुको तर्फबाट बिश्वराज नेपाल र युक्तबहादुर सुबेदी निर्विरोध निर्वाचित भएका छन् । सोही दिन बसेको सञ्चालक समितिको बैठकले सञ्चालकचन्द्र बहादुर क्षेत्रीलाई सर्वसम्मत रुपमा पुनःअध्यक्ष चयन गरेको छ ।  

साधारण सभाको कार्यक्रम वित्तीय संस्थाका कम्पनी सचिव तथा नायव प्रमुख कार्यकारी अधिकृत फणिन्द्र पाण्डेले सञ्चालन गरेका थिए ।