युरोपियन युनियनमाथि पनि आयात शुल्क लगाउने तयारीमा ट्रम्प

काठमाण्डौ । अमेरिकी राष्ट्रपति डोनाल्ड ट्रम्पले युरोपेली संघमा ‘छिट्टै’ कर लगाउने बताएका छन् । उनले भनेका छन्, ‘युरोपियन युनियनले अमेरिकाको फाइदा उठाएको छ ।

राष्ट्रपति ट्रम्पले भने, ‘उनीहरूले हाम्रा कारहरू लिँदैनन्, हाम्रा कृषि उत्पादनहरू किन्दैनन्, तिनीहरूले हामीबाट लगभग केही पनि लिँदैनन्। हामी तिनीहरूबाट लाखौं कारहरूदेखि लिएर ठूलो परिमाणमा खाद्यान्न र कृषि उत्पादनहरू लिन्छौं।’

युरोपेली संघमा कर लगाउने समयसीमा छ कि छैन भन्ने प्रश्नको जवाफ दिदै ट्रम्पले भने, ‘म यो समयसीमा छ भनेर भन्न सक्दिन, तर छिट्टै लगाइनेछ।’ राष्ट्रपति ट्रम्पले भने, ‘विश्वका प्राय सबै देशले अमेरिकालाई धोका दिएका छन् । हामी लगभग हरेक देशसँग घाटामा छौं र हामीले यसलाई परिवर्तन गर्नुपर्छ। यो ठीक होइन।’