.gif)
(2).gif)
_(1).gif)
.png)
काठमाण्डौ। चालु आर्थिक वर्षको ७ महिनामा देशका २९ वटा भन्सार कार्यालयबाट ८ खर्ब बढी रुपैयाँ बराबरको माल–वस्तु आयात भएको छ । भन्सार विभागको अवधिमा ८ खर्ब ९७ अर्ब ९४ करोड ३८ लाख ९९ हजार रुपैयाँ बराबरको मालवस्तु आयात भएको हो ।
यो अवधिमा सबैभन्दा धेरै आयात वीरगन्ज भन्सार कार्यालयबाट भएको छ । यो कार्यालयबाट ७ महिनाको अवधिमा ३ खर्ब ५ अर्ब ३२ करोड ४२ लाख रुपैयाँ बराबरको मालवस्तु आयात भएको छ । वीरगन्ज भन्सार कार्यालयबाट निर्यात भने १६ अर्ब ७६ करोड ३९ लाख रुपैयाँबरारब भएको छ ।
सबैभन्दा धेरै मालवस्तु आयात गर्नेमा विराटनगर भन्सार कार्यालय दोस्रो स्थानमा रहेको छ । यो कार्यालयबाट ९७ अर्ब ४९ करोड ७३ लाख रुपैयाँ बराबरको आयात भएको भन्सार विभाथले जनाएको छ । यो कार्यालयबाट ७ अर्ब ७३ करोड ८५ लाख रुपैयाँ बराबरको निर्यात भएको छ ।
त्रिभूवन अन्तर्राष्ट्रिय विमानस्थलबाट भने मात्र ८० अर्ब ३९ करोड ५६ लाख ७१ हजार रुपैयाँ बराबरको माल–वस्तु आयात भएको छ ।
यस्तै १७ वटा भन्सार कार्यालयमार्फत ८६ अर्ब ८३ करोड ९ लाख १२ हजार रुपैयाँ बराबरको माल–वस्तु निर्यात भएको भन्सार विभागले जनाएको छ । यो अवधिमा १२ वटा भन्सार कार्यालयबाट भने कुनै पनि निर्यात भएको छैन ।
निर्यात शुन्य हुनेमा भद्रपुर भन्सार कार्यालय, चोभार सुख्खा बन्दरगाह, गौतमबुद्ध अन्तर्राष्ट्रिय विमानस्थल , जनकपुर भन्सार कार्यालय, महेशपुर भन्सार कार्यालय, पोखरा अन्तर्राष्ट्रिय विमानस्थल , राजविराज भन्सार कार्यालय, सिरहा भन्सार कार्यालय, सुनसरी भन्सार कार्यालय, सुथौली भन्सार कार्यालय, थाडी भन्सार कार्यालय र त्रिवेणी भन्सार कार्यालय रहेका छन् ।
.gif)
.png)
(2).jpg)
.jpg)
.jpg)
(1).gif)
