हङकङको सेयर बजार ३ वर्षकै उच्च, अन्य एशियाली बजारको अवस्था कस्तो ?

काठमाण्डौ । हङकङको सेयर बजार पछिल्लो ३ वर्षकै उच्च कायम भएको छ । जापानको मुद्रास्फीति आँकडा आएसँगै र अमेरिकी राष्ट्रपति डोनाल्ड ट्रम्पले ट्यारिफको धम्कि दिईरहेका बेला एशिया प्यासेफिसक क्षेत्रमा शुक्रबार हङकङको सेयरले नयाँ रेकर्ड कायम गरेको हो ।  

आज हङकङको हाङसेङ इन्डेक्स ३.९९ प्रतिशतले बढेको छ । यो वृद्धिसँगै हाङसेङ इन्डेक्स २३ हजार ४७७ विन्दुमा पुगेको छ । यो उचाई सन् २०२२ फेब्रुअरी पछिकै उच्च हो । आज हाङसेङ टेक इन्डेक्स ६.१५ प्रतिशतले बढेको छ । यो दिन अलिबाबाको सेयरमूल्य १४.७ प्रतिशतले बढेको छ । डिसेम्बर त्रैमासमा कम्पनीको नाफामा आएको उल्लेखनिय वृद्धिका कारण कम्पनीको सेयरमूल्यमा आज उछाल आएको हो ।  

यस्तै आज टेक कम्पनीहरु जस्तै मिईटुआनको सेयरमूल्य २.१ प्रतिशत र बाईडुको सेयरमूल्य १.८४ प्रतिशतले बढेको छ ।  

यस्तै आज जापानको निक्की२२५ इन्डेक्स पनि ०.२६ प्रतिशत अर्थात ८९.९० अंकले बढेको छ । यो वृद्धिसँगै निक्की ३८ हजार ७७६ विन्दुमा पुगेको छ । जापानको अर्को सेयर बजार मापक इन्डेक्स टोपिक्स भने आज घट्दै २ हजार ७३६ विन्दुमा बन्द भएको छ । जनवरीमा जापानको मुद्रास्फीतिदर ४ प्रतिशत पुगेको छ । जुन सन् २०२३ जनवरी पछिकै उच्च हो ।  

यस्तै आज दक्षिण कोरियाको कोस्पी घटेर २ हजार ६५४ विन्दुमा बन्द भएको छ भने कोस्डाक ०.८३ प्रतिशतले बढेर ७७४.६५ विन्दुमा बन्द भएको छ । आज अष्ट्रेलियाको एस एण्ड पी÷एएसएसक्२०० इन्डेक्स ०.३२ प्रतिशतले घटेर ८ हजार २९६ विन्दुमा सीमित बनेको छ ।  

चीनको सीएसआई३०० पनि आज १.२६ प्रतिशतले बढेको छ ।