.gif)
(2).gif)
.jpg)
_(1).gif)
.png)
काठमाण्डौ । प्रभू बैंकमा बिलय भएको सेञ्चुरी कमर्सियल बैंकका २ पूर्व सीइओसहितका १० जना बैंकरलाई पक्राउ गरिएको विषयमा प्रहरीको विशेष अनुसन्धान ब्यूरो(सीआइबी)ले केन्द्रीय बैंकसँग कुनै समन्वय नगरेको पाइएको छ ।
बिजशालासँग कुरा गर्दै केन्द्रीय बैंकका दुई उच्च अधिकारीले यस्तो खुलासा गरेका हुन् ।
सीआइबीले संकटग्रस्त देउराली सहकारी संस्थालाई कमसल धितो राखेर बढी कर्जा प्रवाह गरेको प्रकरणमा संलग्नता रहेको भन्दै सेञ्चुरी कमर्सियल बैंकका तत्कालीन सीइओहरु तुल्सी गौतम र मनोज न्यौपानेसहित १० जनालाई मंगलबार नियन्त्रणमा लिएको छ । उनीहरुविरुद्ध ७ दिन थुनामा राखी अनुसन्धान गर्न भन्दै अदालतले मंगलबार नै अनुमति दिइसकेको छ ।
.gif)
बैंकिङ कसूरअन्तर्गत पक्राउ गरिएका गौतम र न्यौपानेसहितलाई पक्राउ गर्नुअघि केन्द्रीय बैंकसँग सीआइबीले कुनै पनि समन्वय नगरेको पाइएको हो ।
यो केस हामीले सीआइबीलाई रेफर गरेको होइन । सहकारीमा भएको फ्रडको अनुसन्धान गर्ने क्रममा सीआइबीले उहाँहरुलाई नियन्त्रणमा लिएको हो । नाम नखुलाइदिन आग्रह गर्दै राष्ट्रबैंकका ती उच्च अधिकारीले बिजशालासँग भने ः हामी सबैले सीआइबीलाई अनुसन्धानमा सहयोग गर्नुपर्छ । राम्रो काम गर्ने र आफ्नो ठाउँमा सही बैंकरले अनुसन्धान हुँदैमा र पक्राउ पर्दैमा डराइहाल्नुहुँदैन । धैर्यतापूर्वक आफ्ना कुरा राखौं र अनुसन्धानलाई सहयोग गरौं ।
अर्का अधिकारीले कतिपय बैंक तथा वित्तीय संस्थामा बग्रेल्ती कमीकमजोरी रहेको स्वीकार गर्नुपर्ने र गलत गर्नेलाई कारबाही हुन खोज्दा अत्तालिन नहुने दाबी गरे । ‘राम्रो गर्नेलाई प्रोत्साहन र गलत गर्नेलाई दुरुत्साहन गर्न सबैले सहयोग गर्नुपर्छ ।’ ती अधिकारीले भने ।
.png)
.jpg)
.jpg)
.jpg)
(1).gif)
.gif)
