माछापुच्छ्रे बैंकले भव्य रुपमा मनायो ‘ग्लोबल मनि विक २०२५’

काठमाण्डौ । वित्तीय साक्षरता जगाउने उद्देश्यले हरेक वर्ष विश्वव्यापी रुपमा मनाइने ग्लोबल मनि विक २०२५ माछापुच्छ्रे बैंक लिमिटेडले भव्य रुपमा मनाएको छ । यस वर्ष मार्च १७ तारिखदेखि २३ तारिखसम्म परेको ग्लोबल मनि विक २०२५ अन्र्तगत माछापुच्छ्रे« बैंकले देशव्यापी छरिएर रहेका आफ्ना शाखा कार्यालयहरुमार्फत विभिन्न प्रकारका वित्तीय साक्षरता कार्याक्रमहरु आयोजना गरेको थियो ।  

बैंकले देशका ७ वटै प्रदेशमा स्थानिय स्कुल, कलेजसँग समन्वय गरेर विभिन्न तहका विद्यार्थीहरुलाई लक्षित गर्दै अन्तरक्रिया कार्यक्रमहरुको आयोजना गरी ग्लोबल मनि विक २०२५ मनाएको हो ।

माछापुच्छ्रे बैंकले आम ग्राहकवर्गलाई लक्षित गर्दे यसअघि पनि विभिन्न समयमा विभिन्न माध्यमहरु मार्फत वित्तिय साक्षरता कार्यक्रमहरु आयोजना गर्दै आएको थियो ।  

हरेक क्षेत्र र वर्गका ग्राहकलाई सरल र सहज बैंकिङ सेवा पुर्याउने उद्देश्यका साथ बैंकले देशका ७ वटै प्रदेशमा १६५ वटा शाखाहरु, ९९ शाखारहित बैकिङ सेवा र ११ एक्सटेन्स काउण्टर समेत गरी जम्मा २७५ स्थानमा रहेका सेवा सञ्जालतथा २०४ वटा एटीएमहरु मार्फत १६ लाखभन्दा बढि ग्राहकहरुलाई अत्याधुनिक प्रविधिसहित सम्पुर्ण बंैकिङ सुबिधा प्रदान गर्दै आईरहेको छ ।