बोलिङ्गरको मध्य ब्याण्डमा टिकेको बजार मनी फ्लो इन्डेक्समा पनि बुलिस

काठमाण्डौ। आज नेप्सेमा दिनभर बढेर कारोबार भयो । बजार बढ्दा कारोबार पनि अघिल्लो दिनको तुलनामा २ अर्ब बढीले वृद्धि भएको छ । बोलिङ्गर ब्याण्डबाट नियाल्दा आज बजारले मध्य ब्याण्डमा सपोर्ट लिएको छ । यो सँगै अपर ब्याण्ड र लोअर ब्याण्ड केही साँघुरिएका छन् ।  

यसले बजारमा रिभर्सल हुँदै गरेको बुझिन्छ । म्याक्डीबाट नियाल्दा यस अघि बनेको बुलिस क्रसओभर आज भ्यालिड बनेको छ । हिस्टोग्राम सकारात्मक र लामा–लामा हुँदै गएका छन् । बजारलाई मनी फ्लो इन्डेक्सबाट नियाल्दा केही समय पहिले ओभर सोल्ड जोनबाट फर्केको बजार आज न्यूट्रल जोन भन्दा माथि चलेको छ ।  

यसले पनि बजारमा क्रमशः सुधार आउँदै गरेको देखिन्छ । आरएसआई पनि न्यूट्रल जोन ५० मा चलेको देखिन्छ । यसैगरि बजारलाई पिभट् मार्फत नियाल्दा आज करिब २६९० विन्दुमा बन्द भएको बजार बढेमा अब क्रमशः २७१०,२७५० र २७८८ विन्दुमा प्रतिरोध सामना गर्न सक्छ । त्यसैगरि घटेमा भने २६७०, २६३१ र २५९२ विन्दुमा क्रमशः प्रतिरोध सामाना गर्न सक्छ ।  

नोट सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।