इचिमोकूमा पनि बियरिस बन्दै नेप्से, अबको सपोर्ट कति कतिमा ?

काठमाण्डौ । इचिमोकु क्लाउड इन्डिकेटर सन् १९६८ मा एक जापानिज नागरिकले प्रतिपादन गरेका थिए । प्रतिपादनसँगै यो इन्डिकेटर त्यहाँस्थित एउटा टोकियो न्युज पेपरमा प्रकाशित भएको थियो। योसँगै यो इन्डिकेटर संसारभर प्रयोगमा आएको हो ।  

अन्य इन्डिकेटरजस्तै यसमा पनि विभिन्न रेखाहरु र क्यान्डल स्टिकको गतिलाई चार्टमा राखेर विश्लेषण गरिन्छ । इचिमोकु क्लाउडअन्तर्गत केही दिन पहिले नेप्सेको चार्टमा बियरिस क्रसओभर देखिएको छ । पछिल्लो बजारलाई  चार्टमा राख्दा केही दिन पहिले बेसलाईनलाई कन्भर्जन लाइनले माथीबाट काटेको छ ।  

Sponsored

यसले बजार बियरिस यात्रामा जाँदै गरेको बुझिन्छ । यो सँगै क्लाउडको पोजिसन पनि हरियोबाट रातो बनेको छ । मूल्य रेखाहरु क्लाउड पोजिसन भन्दा तल चलेका छन् । यस हिसाबले यी सबै इन्डिकेटरबाट नियाल्दा बजार बियरिस बन्दै गरेको देखिन्छ । आज २६३२ विन्दुमा बन्द भएको बजार घटेमा क्रमश ः २६०० र २५८० आसपासमा सपोर्ट लिन सक्छ । त्यसै गरि बढेमा भने २६६० र २७०० आसपासमा प्रतिरोध सामना गर्न सक्छ ।  

नोटः सेयर बजारमा लगानी जोखिमपूर्ण हुन्छ । यो बिश्लेषण कारोबारका लागि सिफारिस भने होइन ।