नेप्सेको सपोर्ट जोनमा ‘इन्भर्टेड ह्याम्मर’, होला त रिभर्सल ?

STOCK MARKET
आईतवार, जेष्ठ ४,२०८२ 18:48:50

काठमाण्डौ । साताको पहिलो कारोबार दिन आज नेप्से सामान्य अंकले घटेको छ । प्राविधिक रुपमा आजको बजारलाई क्याण्डल स्टिकबाट नियाल्दा इन्भर्टेड ह्याम्मर प्रकृतिको क्याण्डल बनेको छ ।

यसले सम्भाबित रुपम ट्रेण्ड रिभर्सलको संकेत गर्छ । तर यसको निश्चितताको लागि भने आगामी दिनमा नेप्सेमा बुलिस प्रकृतिको क्याण्डल बन्नु पर्छ । यदि आगामी दिनमा बजार २६४० विन्दुभन्दा माथि बन्द भएमा बजारले माथिको यात्रा तय गर्न सक्छ । तर आजको न्यून विन्दु २६०५ भन्दा तल बन्द भएमा केही अंकको गिरावट पनि आउन सक्छ ।

आरएसआईबाट नियाल्दा हाल बजार ३९ को तहमा रहेको छ । कारोबार तथा भोल्युमबाट नियाल्दा आज पनि बजार २० दिन मूभिङ एभरेज भन्दा तल नै बन्द भएको छ । अर्थात यस्तो भोल्युम ९ अर्ब भन्दा माथि आउनु पर्ने हुन्छ । पिभट् मार्फत नियाल्दा अब बजार यदि आगामी दिनमा घटेमा २५८०, २५५० र २४९४ मा सपोर्ट लिन सक्ने छ । त्यसैगरि, बढेमा २६३६,२६६७ र २७२३ विन्दुमा प्रतिरोध सामना गर्न सक्छ ।

नोटः सेयर बजारमा लगानी जोखिमपूर्ण हुन्छ । यो बिश्लेषण कारोबारका लागि सिफारिस भने होइन ।