ट्यारिफका कारण दक्षिण कोरियाको निर्यात ४ महिनामा पहिलोपटक घट्यो

काठमाण्डौ । दक्षिण कोरियाको निर्यात पछिल्लो चार महिनामा पहिलोपटक घटेको छ । अमेरिकी राष्ट्रपति डोनाल्ड ट्रम्पले लगाएको ट्यारिफका कारण अमेरिका र चीनमा आपूर्ति घट्दा दक्षिण कोरियाको निर्यातमा गिरावट आएको हो ।  

एशियाको चौथो ठूलो अर्थतन्त्रको रुपमा रहेको दक्षिण कोरियाको निर्यात १.३ प्रतिशतले घटेको छ । दुई ठूला बजार अमेरिका र चीनमा निर्यात घट्दा समग्र निर्यातमा प्रभाव परेको दक्षिण कोरियाका उद्योग तथा व्यापारमन्त्री आन्ह दुक–ग्योनले बताए ।  

गत मध्य मे महिनामा चीन र अमेरिकाबीच ९० दिनका लागि एक अर्कामाथि लगाउदै आएको ट्यारिफमा रोक लगाउने सहमित भएको थियो । तर गत शुक्रबार ट्रम्पले चीनले यो सम्झौताको उल्लंघन गरेको आरोप लगाउदै कडा कदम चाल्ने चेतावनी दिएका थिए । यस्तै उनले स्टिल र आल्मुनियममाथिको ट्यारिफ दोब्बरले बढाउदै ५० प्रतिशत पुर्याउने समेत बताएका थिए ।  

ट्रम्पले लगाएको पारस्परिक शुल्क(२५ प्रतिशत ट्यारिफसहित) ९० दिनका लागि स्थगित छ । दक्षिण कोरियाले अमेरिकामा गरेको निर्यात ८.१ प्रतिशत र चीनमा ८.४.प्रतिशतले घटेको छ । यसबीचमा युरोपको निर्यात भने ४ प्रतिशतले बढेको छ ।  

यस्तै दक्षिणपूर्वी एशियाली देशको निर्यात १.३ प्रतिशतले घट्दा ताइवानको ४९.६ प्रतिशतले बढेको छ ।  

वस्तुगत रुपमा हेदा सेमिकन्डक्टरको निर्यात २१.२ प्रतिशतले बढेको छ । तर कारको निर्यात भने ४.४ प्रतिशतले खस्किएको छ ।  

दक्षिण कोरियाको आयात पनि ५.३ प्रतिशतले घटेको छ ।