एयर इन्डियाको यात्रुवाहक विमान अहमदाबादमा दुर्घटना

काठमाण्डौ । भारतको गुजरात राज्यको अहमदाबादमा एयर इन्डियाको यात्रुवाहक विमान दुर्घटना भएको छ ।

दुर्घटनास्थलमा दमकलको गाडी पुगेको छ । अहमदाबादको दमकल विभागले घटनाको पुष्टि गरेको छ। अहमदाबाद एयरपोर्टको टर्मिनल–१ प्रबन्धकले एयरपोर्ट क्षेत्र बाहिर धुवाँ देखिएको बताए । अहिले सम्पूर्ण टोली घटनास्थलमा अनुसन्धानका लागि गएको जनाइएको छ।

तर, सार्वजनिक भएका तस्विरमा विमानमा आगो र धुवाँ देख्न सकिन्छ । यो विमान भारतबाट लण्डनतफई प्रस्थान गरिरहेको थियो र यो एयर इण्डियाको १७१ औं उडान थियो । विमान टेक अफको केही समयपछिनै विमानसँग सम्पर्क ट्टेको जनाइएको छ ।

विमानमा २४२ जना सवार रहेको जनाइएको छ । जसमा २३० जना याुत्र र बाँकी १२ जना चालकदलका सदस्याहरु रहेको इण्डिया ट्डेले जनाएको छ । घटनासम्बन्धी थप विवरणहरू आउन बाँकी रहेको छ ।