.gif)
_(1).gif)
.jpg)
.png)
काठमाण्डौ । ग्रिन डेभलपमेन्ट बैंक लिमिटेडले दुई आर्थिक वर्षको वार्षिक साधारण सभा एकैपटक आह्वान गरेको छ । बैंकको फागुन २४ गते बसेको सञ्चालक समितिको बैठकले दशौं र एघारौं वार्षिक साधारण सभा डाकेको हो ।
उक्त सभा आगामी चैत २७ गते कास्की पोखरामा रहेको मेजेष्टिक लेक फ्रन्ठ होटल एण्ड सुईटमा आयोजना हुनेछ । उक्त सभामा आव २०७८/७९ सम्मको मुनाफाबाट हाल कायम चुक्तापूँजी ५१ करोड ९० लाख रुपैयाँ ३.८ प्रतिशत बोनस सेयर र ०.२० प्रतिशत नगद लाभांश गरी कुल ४ प्रतिशत लाभांश वितरणको प्रस्ताव पारित गरिनेछ ।
(1).gif)
यस्तै सभामा आर्थिक वर्ष २०७८/७९ र २०७९/८० को वार्षिक प्रतिवेदनमाथि छलफल गरी पारित गरिनुका साथै दुई आवको वित्तीय विववरणहरुमाथि छलफल गरी पारित गरिनेछ । सभामा सर्वसाधारण सेयरधनीकातर्फबाट २ जना र संस्थापक सेयरधनीका तर्फबाट ३ जनाको निर्वाचन गर्ने तथा स्वतन्त्र सञ्चालकको नियुक्तलाई अनुमोदन गर्ने प्रस्ताव समेत पारित हुनेछ ।
यसैगरी सभामा अन्य उपयुक्त बैंक तथा वित्तीय संस्थालाई एक आपसमा गाभ्ने÷गाभिने वा प्राप्तिका लागि सञ्चालक समितिलाई पूर्ण अख्तियारी प्रदान गर्ने प्रस्ताव समेत पारित हुनेछ ।
साधारण सभा तथा लाभांश वितरण प्रयोजनका लागि बैंकले आगामी चैत ९ गते एक दिनका लागि बुक क्लोज गर्ने निर्णय गरेको छ । यसर्थ चैत ८ गतेसम्म कायम सेयरधनीहरुले मात्रै लाभांश प्राप्त गर्न सभामा सहभागी हुन सक्नेछन् ।
.gif)
.png)
.png)
(69).jpg)
.jpg)
(86).jpg)
.gif)
(1).gif)
.gif)
