(3).gif)
(2).gif)
.jpg)
.png)
काठमाण्डौ । अन्तर्राष्ट्रिय बजारमा कच्चा तेलको मूल्यमा गिरावट आएको छ । सोमबार डब्लुटीआई र ब्रेन्ट क्रुड दुवैको मूल्यमा गिरावट आएको हो ।
डब्लुटीआई क्रुडको मूल्य ०.६१ प्रतिशत अर्थात ०.४० डलरले घटेको छ । यो गिरावटसँगै डब्लुटीआई क्रुडको मूल्य प्रतिब्यारेल ६५.१२ डलर कायम भएको छ ।
यस्तै ब्रेन्ट क्रुडको मूल्य ०.३० प्रतिशत अर्थात ०.२० डलरले घटेको छ । यो गिरावटसँगै ब्रेन्ट क्रुडको कारोबार प्रतिब्यारेल ६७.५७ डलरमा भईरहेको छ ।
(2).gif)
.gif)
मध्यपूर्वको भू–राजनीतिक अवस्थामा देखिएको सुधार र ओपेक प्लसले आगामी अगस्ट महिनामा उत्पादन बढाउने सम्भावनाका कारण कच्चा तेलको मूल्यमा गिरावट आएको हो ।
गत साता यी दुवै बेन्चमार्कले सन् २०२३ मार्च पछिकै सबैभन्दा ठूलो साप्ताहिक गिरावटको सामना गरेका थिए । तर जुन महिना भने वृद्धिका साथ अन्त्य हुने देखिएको छ ।
इरान र इजरायलबीच १२ दिनसम्म चलेको युद्धका कारण ब्रेन्ट क्रुडको मूल्य प्रतिब्यारेल ८० डलरसम्म पुगेको थियो । अमेरिकी राष्ट्रपतिले दुई राष्ट्रबीच युद्धविरामको घोषणा गरेसँगै भने यसको मूल्य प्रतिब्यारेल ६७ डलरमा झरेको थियो ।
यस्तै ओपेक प्लसले अगस्ट महिनामा प्रतिदिन ४ लाख ११ हजार ब्यारेल तेल उत्पादन बढाउने तयारी गरेको छ जुन मे, जुन र जुलाईकै निरन्तरता हो । ओपेक प्लसको बैठक जुलाई ६ मा बस्दैछ ।
(1).gif)
.gif)
.gif)
(1).gif)
(2).gif)
.png)
.jpg)
